2 ሺህ 38 ግራም የሚመዝን ሜርኩሪ በመቀሌ አሉላ አባነጋ አውሮፕላን ማረፊያ ተያዘ

በመቀሌ አሉላ አባነጋ አውሮፕላን ማረፊያ 2 ሺህ 38 ግራም የሚመዝን ሜርኩሪ መያዙ ተገለጸ፡፡

የኢትዮጲያ ገቢዎችና ጉምሩክ ባለስልጣን የትምህርትና የኮሚኒኬሽን ጉዳዮች ዳይሬክተር አቶ ኤፍሬም መኮንን ለፋናብሮድካስቲግ ኮርፖሬት እንደተናገሩት ሜርኩሪው በህገወጥ መንገድ በአውሮፕላን ከመቀሌ ወደ አዲስ አበባ ሊጓጓዝ ሲል በተደረገ ፍተሻ ነው የተያዘው።

በአሁኑ ሰዓት የተያዘው ሜርኩሪ የማዕድን ነዳጅ እና ተፈጥሮ ጋዝ ሚኒስቴር እንዲረከብ መደረጉንም አስታውቀዋል፡፡

ትክክለኛ ሜርኩሪ መሆኑ በጂኦሎጂካል ሰርቬይና በማዕድን ነዳጅ እና ተፈጥሮ ጋዝ ሚኒስቴር የምርምር ባለሙያዎች ምርመራ ተደርጎበት ተረጋግጧል።

እንደ አቶ ኤፈሬም ገለጻ በወቅቱ ትከክለኛ ሜርኩሪ መሆኑ እስኪረጋገጥ በሚል ግለሰቡ የተለቀቀ ሲሆን፥ አሁን ትከክለኝነቱ በመረጋገጡ ግለሰቡን በህግ ተጠያቂ ለማድረግ ክትትል እየተደረገ ነው ብለዋል።

 

 

በታሪክ አዱኛ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram