1 ሺህ 439ኛው የኢድ አልፈጥርን በዓል ነገ ይከበራል

1 ሺህ 439ኛው የኢድ አልፈጥርን በዓል ጨረቃ ዛሬ ምሽት በመታየቷ በነገው እለት ተከብሮ ይውላል።

የኢትዮጵያ የእስልምና ጉዳዮች ጠቅላይ ምክር ቤት ፕሬዝዳንት ሼህ መሐመድ አሚን ጀማል 1 ሺህ 439ኛውን የኢድ አል ፈጥርን በዓል ምክንያት በማድረግ የእንኳን አደረሳችሁ መልዕክት አስተላልፈዋል።

በመልእክታቸውም ሕዝበ ሙስሊሙ በረመዳን ወር ያዳበራቸውን የተቸገሩ ወገኖችን የማብላት፣ የማልበስ፣ የመርዳትና ሌሎች መልካም ስራዎችን ማስቀጠል እንደሚገባ ነው ፕሬዝዳንቱ ሼህ መሐመድ አሚን ጀማል የተናገሩት።

ሼህ መሐመድ አሚን ጀማል አክለውም፥ የሀገሪቷ አንድነትና ሰላም ተጠብቆ እንዲዘልቅ ሁሉም የሕብረተሰብ ክፍል በየኃይማኖቱ ፀሎት እንዲያደርግና በተለይም ወጣቶች ለአገሪቷ ሰላም ዘብ እንዲቆሙም ጥሪ አቅርበዋል።

በተመሳሳይ የኢትዮጵያ የኃይማኖት ተቋማት ጉባዔ ለመላው የእስልምና ኃይማኖት ተከታዮች ለኢድ አልፈጥር በዓል የእንኳን አደረሳችሁ መልዕክት አስተላልፏል።

ሙስሊሙ ሕብረተሰብ ከሌሎች የእምነት ተከታዮች ጋር ለዘመናት የዘለቀውን የመከባበርና አብሮ የመኖር ዕሴቱን ጠብቆ ሊቀጥል እንደሚገባም ጉባዔው አሳስቧል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram