ፌዴሬሽኑ በተሰረዙት ጨዋታዎች ዙሪያ ውሳኔ አሳለፈ

የኢትዮጵያ እግር ኳስ ፌዴሬሽን በፕሪምየር ሊጉ በፀጥታ ምክንያት የተሰረዙ ሁለት ጨዋታዎች የሚካሄዱበትን ቀን ኣሳወቀ።

ቦዲቲ እና ሃዋሳ ላይ መደረግ የነበረባቸው ጨዋታዎች በፀጥታ ምክንያት ሳይካሄዱ ቀርተው በዛሬው እለት እንዲካሄዱ ፕሮግራም ተይዞላቸው ነበር።

ቦዲቲ እና ሀዋሳ ላይ ሊካሄዱ የነበሩት ጨዋታዎች በደቡብ ክልል ካለው ወቅታዊ የፀጥታ ሁኔታ አንፃር በክልሉ ተካሂዶ ለሚፈጠረው ችግር ኃላፊነት እንደማይወስድ፥ የደቡብ ክልል ፖሊስ ኮሚሽን አስታውቋል።

ይህን ተከትሎም መርሐ ግብሮቹ በተለዋጭ ሜዳ አዳማ እና አዲስ አበባ ስታድየም እንዲካሄዱ ተወስኗል።

በዚህም ጨዋታዎቹ የፊታችን ረቡዕ ሰኔ 20 ቀን 2010 ዓ.ም የሚከናወኑ ይሆናል።

ጨዋታዎቹ በተመሳሳይ 9 ሰዓት ላይ የሚደረጉ ሲሆን ወላይታ ድቻ ከወልዋሎ አዲስ አበባ ላይ፥ እንዲሁም ሀዋሳ ከተማ ከኢትዮጵያ ቡና በአዳማ አበበ ቢቂላ ስታዲየም ይካሄዳሉ።

በሌላ በኩል ዛሬ በተደረገ የኢትዮጵያ ፕሪሚየር ሊግ ተስተካካይ ጨዋታ ደደቢት አርባ ምንጭ ከተማን 2 ለ 1 አሸንፏል።

 

ምንጭ፦ ሶከር ኢትዮጵያ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram