ፌስቡክ የግል መረጃ አያያዝን ለማጠናከር በሚያደርገው ማሻሻያ 14 ሚሊዮን ደንበኞች ተጎጂ ሊሆኑ ይችላሉ

ፌስቡክ የደንበኞቹን የግል መረጃ አያያዝን ለማጠናከር ሲባል በሚያከናውናቸው የማሻሻያ ስራዎች ምክንያት 14 ሚሊዮን የፌስቡክ ተጠቃሚዎች ከእነርሱ እውቅና ውጪ የግል መረጃዎቻቸው በሌላ ሰዎች ሊታይ እንደሚችል ተገለጸ፡፡

አሁን በሚደረገው ማሻሻያ መሰረት ደንበኛው ከዚህ በፊት የግል መረጃውን ለተወሰኑ ሰዎች ብቻ ማካፈል እንዲችል ማስተካከያ ቢያደርግም አሁን በሚፈጠረው ችግር ማንኛውም ሰው መረጃውን ማግኘት እንደሚችል ነው ፌስቡክ ኩባኒያ ያስታወቀው፡፡

የፌስቡክ የግል መረጃዎች ደህንነት ሃላፊ ኢሪን ኤጋንም ለተፈጠረው ችግር ይቅርታ እንጠይቃለን ብሏል፡፡

የዚህ አይነቱ ችግር ተጠቂ የሆኑ የፌስቡክ ደንበኞችም በድህረ ገጹ “ኒውስፊድ” በሚባለው ንኡስ ክፍል ላይ የማስጠንቀቂያ መልዕክት ከዛሬ ጀምሮ እንደሚደርሳቸው ተነግሯል፡፡

ፌስቡክ ይህን ችግር ለመቅረፍም እስከ ግንቦት 27/2010 ድረስ ይፈጅበታል ቢባልም እስካሁንም መፍትሄ ማበጀት አልቻለም፡፡

በኒውስፊድ ንኡስ ክፍል ላይ የማስጠንቀቂያ መልዕክት ካልደረሰው ግን በፌስቡክ አድራሻው ላይ መልዕክት ያስተላለፈው ደንበኛ ማንኛውም ሰው ሊመለከተው እንደሚችልና ጠንካራ ክትትል ማድረግ እንዳለበት ፌስቡክ ጠበቅ ያለ መልዕክት አስተላልፏል፡፡

ፌስቡክ ከዚህ በፊትም ያለደንበኞቹ እውቅናና ፍቃድ ለካምብሪጅ አናሊቲካ መረጃ አሳልፎ ሰጥቷል በሚል ከአውሮፓና ከአሜሪካ መንግስታት ክስ የቀረበበት ሲሆን አሁን ደግሞ እንደ ሁዋይ እና ዜድቲኢ የቴሌኮም አምራቾች የደንበኞቻችንን መረጃ አሳልፎ ሰጥቷል በሚል እየተከሰሰ ይገኛል፡፡

ምንጭ፡ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram