ፌስቡክ በቀጣዩ ዓመት የእንግሊዝ ፕሪምየር ሊግ ጨዋታዎችን በቀጥታ ሊያስተላልፍ ነው

ግዙፉ የማህበራዊ ሚዲያ ፌስቡክ በቀጣዩ ዓመት 380ዎቹንም የፕሪምየር ሊግ ጨዋታዎችን በደቡብ ምስራቅ እስያ ለሚገኙ ሀገራት በቀጥታ እንደሚያስተላልፍ አስታወቀ፡፡

ፌስቡክ የፕሪምየር ሊግ ጨዋታዎችን በቀጥታ ለማስተላለፍና የብሮድካስት መብት ለማግኘት ከ264 ሚሊየን ዶላር በላይ ማውጣቱ ተገልጿል፡፡

ፕሪምየር ሊጉንም በአራት ሀገሮች በቀጥታ የሚያስተላልፍ ሲሆን፥ ከሀገራቱ መካከልም ታይላንድ፣ ቬትናም ላዖስ እና ኮምቦዲያ ናቸው ተብሏል፡፡

በነዚህ በአራቱ ሀገራት በቀጥታ ፕሪምየር ሊጉን ለማሳየት ከ2019 ጀምሮ እስከ 2022 ድረስ የሚያቆየው ኮንትራት መፈራረሙ ተነግሮዋል፡፡

ከዚህ ቀደም ማህበራዊ ሚዳያው በዩናይትድ ስቴትስ የተወሰኑ ሜጀርሊግ ቤስቦል፣ የኮሌጅ ቅርጫት ኳስ እንዲሁም የሀገሪቱን ቻምፕዮን ሊግን ከፎክስ ስፖርት ጋር በመተባበር በቀጥታ እያስተላለፈ ይገኛል፡፡

ፌስቡክ ባህላዊውን የመገናኛ ብዙኀን ቅርፅ በመቀየር አዲስ ነገር መጀመሩ የተነገረ ሲሆን፥ ባለፈው ዓመት በቀጥታ የህንድ የክሪኬት ፕሪምየር ሊግን ለማሳየት የነበረው ዕቅድ መደናቀፉ ይታወሳል፡፡

ባለፈው ወር አማዞን 20 የእንግሊዝ ፕሪምየር ሊግ ጨዋታዎችን በመላው ብሪታንያ ለማሳየት ዕቅዱን ይፋ አድርጓል፡፡

 

 

 

ምንጭ፦ዴይሊይሜል
በአብርሃም ፈቀደ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram