ጠ/ሚ ዶክተር አብይ አህመድ ከወልቂጤ ከተማ ነዋሪዎች ጋር እየተወያዩ ነው

የኢፌዴሪ ጠቅላይ ሚኒስትር ዶክተር አብይ አህመድ ከወልቂጤ ከተማ ነዋሪዎች ጋር እየተወያዩ ነው።

ውይይቱ ባለፈው ሳምንት በከተማዋና አካባቢው በተከሰተው ግጭት ዙሪያ ከአካባቢው የሃገር ሽማግሌዎችና ነዋሪዎች ጋር ለመምከር በማሰብ የተዘጋጀ ነው።

ጠቅላይ ሚኒስትሩ በውይይታቸው ከከተማዋ እና አካባቢዋ ነዋሪዎች ለሚነሱ የተለያዩ ጥየታቄዎች ምላሽ ይሰጣሉ ተብሎ ይጠበቃል።

በውይይት ላይ የሃገር ሽማግሌዎች፣ የሃይማኖት መሪዎችና የሃገር ሽማግሌወች እየተሳተፉ ይገኛል።

ጠቅላይ ሚኒስትር ዶክተር አብይ በትናንትናው እለት ከሃዋሳና ወላይታ ሶዶ ከተማና አካባቢው ነዋሪዎች ጋር ተወያይተዋል።

በውይይታቸውም በአካባቢዎቹ ባለፈው ሳምንት ተፈጥረው በነበሩ ችግሮች ዙሪያ ለተፈናቀሉ ዜጎች ስለሚደረገው ድጋፍ፣ የስራ እድል ፈጠራ፣ በነፃነት ተንቀሳቅሶ የመስራት

ህገ መንግስታዊ መብት ጉዳይ እንዲሁም ራስን በራስ የማስተዳደር ጥያቄ ተነስቷል።

ከዚህ ባለፈም ከአመራር ብቃት ጋር ተያይዞ የህዝቡን ችግር የሚሰማ እና ምላሽ መስጠት የሚችል አመራር ይመደብልን የሚሉ እና ሌሎችም የልማት እና ፖለቲካዊ ጥያቄዎች ተነስተው ጠቅላይ ሚኒስትሩ ምላሽ ሰጥተውባቸዋል።

ባለፈው ሳምንት በሃዋሳ፣ ወልቂጤና ወላይታ ሶዶ ከተሞች በተፈጠሩ ግጭቶች 15 ሰዎች መሞታቸውን የክልሉ መንግስት መግለጹ የሚታወስ ነው።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram