ጠ/ሚኒስትር ዶ/ር አብይ አህመድ በባህር ዳር ለተካሄደው የድጋፍ ሰልፍ ምስጋና አቀረቡ

የኢፌዴሪ ጠቅላይ ሚኒስትር ዶክተር አብይ አህመድ እያመጧቸው ያሉ ለውጦችን ለመደገፍ ዛሬ በባህርዳር ለተካሄደው የድጋፍ ሰልፍ ምስጋና አቀረቡ።

ጠቅላይ ሚኒስትሩ በባህርዳር ሰላማዊ እና በርካታ ህዝብ የታደመበትን የድጋፍ ሰልፍ ላስተባበሩ እና ለተሳተፉ አካላት ልባዊ ምስጋና ማቅረባቸውን የጠቅላይ ሚኒስትር ዕ/ቤት ልዩ ሀላፊ አቶ ፍፁም አረጋ በትዊተር ገፃቸው አስታውቀዋል።

በአማራ ክልል ባህርዳርን ጨምሮ ትናትና እና ዛሬ በተለያዩ 20 የክልሉ ከተሞች የጠቅላይ ሚኒስትር ዶክተር አብይ አህመድ የለውጥ መንገድ ለመደገፍ የድጋፍ ሰልፍ መካሄዱ ይታወቃል።

በትናትናው ዕለት በደብረ ብርሃን፣ ወልዲያ፣ ደብረታቦር እና ሰቆጣ ከተሞችን ጨምሮ በሌሎች የአማራ ክልል ከተሞች ነው የድጋፍ ሰልፎቹ የተካሄዱት።

ዛሬ በርካታ ህዝብ በታደመበት የባህርዳሩ የድጋፍ ሰልፍ 500 ሜትር የሚረዝም የኢትዮጵያ ሰንደቅ አላማ ሰልፍን አድምቆታል።

ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram