ጠቅላይ ሚኒስትር ዶ/ር አብይ አህመድ ከመምህራን ጋር ተወያዩ

የኢፌዴሪ ጠቅላይ ሚኒስትር ዶክተር ዐብይ አህመድ ከመምህራን ጋር ተወያዩ።

በውይይቱ ላይ ከ50 የተለያዩ ከፍተኛ የትምህርት ተቋማት የተውጣጡ 3 ሺህ 175 መምህራን መገኘታቸውን የጠቅላይ ሚኒስትር ልዩ ጽህፈት ቤት ሃላፊ አቶ ፍጹም አረጋ አስታውቀዋል።

መምህራኑ በውይይቱ ወቅት የተለያዩ ጥያቄዎችን ለጠቅላይ ሚኒስትሩ አቅርበው ምላሽ ተሰጥቶባቸዋል።

ጠቅላይ ሚኒስትሩ በምላሻቸው መምህርነት የተከበረ ሙያ መሆኑን ጠቅሰው፥ በዘርፉ ለሚያጋጥሙ ችግሮች የጋራ ሃላፊነት መውሰድ ይገባናል ብለዋል።

የመልካም አስተዳደር እጦትና በተለያዩ አካባቢዎች የሚከሰቱ ግጭቶች በትምህርቱ ዘርፍ ለሚስተዋለው ችግር ምክንያት መሆናቸውንም ጠቁመዋል።

በተለያየ ምክንያት ከአዲስ አበባ ዩኒቨርሲቲ የተባረሩ 42 ምሁራንን ለመመለስ መንግስት ዝግጁ መሆኑን ተናግረዋል።

እውቀት እና የአካዳሚክ ነጻነትም በከፍተኛ ትምህርት ተቋማት ውስጥ ለሚኖር ነጻ አስተሳሰብ ቅድመ ሁኔታዎች መሆናቸውንም ነው የተናገሩት።

በትምህርቱ ዘርፍ የተያዘውን ግብ ለማሳካትም ብቁ መምህራን እና ጥራት ያለው ትምህርት አስፈላጊ መሆኑን ጠቅላይ ሚኒስትሩ ገልጸዋል።

ብቃት ሳይኖርና ያለ እውቀት ማስተማር ብክነት እና ኢ – ፍትሃዊ መሆኑንም ጠቅላይ ሚኒስትሩ በምላሻቸው አንስተዋል።

ከዚህ አንጻርም በዘርፉ ማሻሻያዎችን ማድረግ ቁልፉ ጉዳይ መሆኑን ጠቅሰዋል።

ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram