ጠቅላይ ሚኒስትር ዶ/ር አብይና የሩዋንዳው ፕሬዚዳንት ካጋሜ የሃዋሳ ኢንዱሰትሪ ፓርከን ጎበኙ

የኢፌዴሪ ጠቅላይ ሚኒስትር ዶክተር አብይ አህመድ እና በኢትዮጵያ ይፋዊ የስራ ጉብኝ እያደረጉ የሚገኙት የሩዋንዳው ፕሬዚዳንት ፖል ካጋሜ የሀዋሳ ኢንዱስትሪ ፓርክን ጎበኙ።

መሪዎቹ የኢንዱስትሪ ፓርኩን ከጎበኙ በኋላ በጋራ መግለጫ ሰጥተዋል።

ዛሬ ምሽትም ፕሬዚዳንቱ በሀይሌ ሪዞርት ሆቴል የዕራት ግብⶳ እንደሚደረግላቸው ታውቋል።

ፕሬዚዳንት ፓል ካጋሜ ዛሬ በብሄራዊ ቤተመንግስት አቀባል የተደረገላቸው ሲሆን፥ ከጠቅላይ ሚኒስትር ዶ/ር አብይ ጋር ውይይት በማድረግ የደረሷቸውን ስምምነቶች ለመተግበር መስማማታቸውን በዛሬው ዕለት አስታውቀዋል።

መሪዎቹ በውይይታቸው ሁለቱ ሃገራት ከዚህ በፊት የደረሷቸውን ከ20 በላይ ስምምነቶች ተግባራዊ ለማድረግ ተስማምተዋል።

ከዚህ ባለፈም ትብብራቸውን የሁለቱን ሃገራት ህዝቦች ተጠቃሚ በሚያደርግ መልኩ ከፍ ለማድረግም ስምምነት ላይ ደርሰዋል።

በተጨማሪም በአፍሪካ ሰላምና መረጋጋትን ለማስፈን የሚያደርጉትን ጥረት በማሳደግና የአፍሪካ ህብረትን በማጠናከር፥ ህብረቱን አህጉሪቱ ያሉባትን ችግሮች የሚፈታ ተቋም ለማድረግ በጋራ ለመስራት ተስማምተዋል ነው የተባለው።

ስትራቴጂያዊ አጋርነታቸውን በማጠናከር በአለም አቀፍ መድረኮች ተቀራርበው ለመስራትም ስምምነት ፈጽመዋል።

ሃገራቱ የሚያካሂዱትን የጋራ ሚኒስትሮች ኮሚሽን ስብሰባ በማጠናከርም ግንኙነታቸውን ይበልጥ ለማሳደግ በጋራ እንሰራለን ብለዋል።

በዚህ ወቅትም መሪዎቹ የአባይ ወንዝን በፍትሃዊነት ለመጠቀም የተፈረመው ስምምነት ተፈጻሚ ለማድረግ እንደሚሰሩም ገልጸዋል።

ጠቅላይ ሚኒስትር አብይ አህመድ ከፕሬዚዳንት ፖል ካጋሜ ጋር በፓን አፍሪካዊነትና በወንድማዊ መንፈስ በጋራ ለመስራት ዝግጁ መሆናቸውን ገልጸዋል።

ፕሬዚዳንት ካጋሜ ጠቅላይ ሚኒስትር ዶክተር አብይ አህመድ በጠቅላይ ሚኒስትርነት ከተመረጡ በኋላ፥ በኢትዮጵያ ይፋዊ ጉብኝት ያደረጉ የመጀመሪያው መሪ ናቸው።

በካሳዬ ወልዴ – ኤፍ ቢ ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram