ጎግል የስራ ማፈላለጊያ አገልግሎት ጀመረ

ጎግል አዳዲስ ክፍት የስራ ቦታዎችን የማፈላለግ አገልግሎት መጀመሩ ተነግሯል።

ግዙፉ የመረጃ ማፈላለጊያ የሆነው ጎግል በቀላሉ ከዋናው ገፁ ላይ ስራ ለማፈላለግ፣ የተሻለውን ለማመዛዘን እና ለስራው ማመልከት የሚያስችል አገልግሎት መጀመሩ ነው የተገለፀው።

አገልግሎቱን ለማግኘት መድረግ የሚጠበቅብን በማፈላለጊያ ገጹ ላይ የምንፈልገውን የስራ አይነት ለምሳሌ “መምህርነት” በሚል ብቻ መጻፍ ሲሆን፥ ጎግል ከመምህርነት ጋር ተያይዘው ያሉ ክፍት የስራ ቦታዎችን በሙሉ ያቀርብልናል ተብሏል።

በጎግል አካውንታችን በኩል የምናፈላልግ ከሆነ ደግሞ አንዴ በፈለግነው የስራ አይነት አዳዲስ ክፍት የስራ ቦታዎች በሚወጡበት ጊዜ በኢሜይላችን በኩል የማሳወቂያ መልእከት እንዲደርሰን ያደርጋልም ተብሏል።

የምንፈልገውን የስራ አይነት ካገኘን በኋላም ስለ ስራው ዝርዝር መረጃ ማለትም ደመወዝ፣ የትርፍ ሰዓት ክፍያ እና ሌሎች መረጃዎችንም ጎግል በጀመረው አዲስ አገልግሎት ማግኘት እንችላለን።

ጎግል ይህንን ስራ የማፈላለግ እና የማመልከት አገልግሎትም በነፃ ማቅረቡም ተነግሯል።

አገልግሎቱ በአሁኑ ወቅት በተወሰኑ የአውሮፓ ሀገራት ክፍል እና በአሜሪካ ይፋ የተደረገ ሲሆን፥ በቅርቡ በሌሎች የዓለም ክፍሎች ላይ ይጀምራል ተብሎ ይጠበቃል።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram