ጁሴፔ ኮንቴ የጣሊያን ጥምር መንግስት አዲሱ ጠ/ሚ በመሆን ቃለ መሀላ ፈፀሙ

ጁሴፕ ኮንቴ አዲሱ የጣሊያን ጥምር መንግስት ጠቅላይ ሚኒስትር ሆነው ቃለ መሃላ ፈፀሙ።

ኮንቴ አዲሱ ጠቅላይ ሚኒስትር ሆነው የተሾሙት የሀገሪቱ ፓለቲካ ፓርቲዎች ጥምር መንግስት ለመመስረት ስምምነት ላይ መድረሳቸውን ተከትሎ ነው።

አዲሱ ጠቅላይ ሚኒስትር በዛሬው ዕለት በሀገሪቱ ፕሬዚዳንታዊ ቤተ መንግስት ተገኝተው ለህገ መንግስቱ ያላቸውን ታማኝነት በቃለ መሀላ አረጋግጠዋል።

ይህም ያለፉትን ሶስት ወራት ያለመንግስት በፖለቲካል ምስቅልቅል ላለፈቸው ጣሊያን መረጋጋትን ለመፍጠር ወሳኝ ነው ተብሏል።

አዲሱ አስተዳደር ወደ ስልጣን እንዲይዝ ዋነኛ ሚና የተጫወቱት ባለፈው መጋቢት ወር በተካሄደው አጠቃላይ ምርጫ አብላጫ ድምፅ ያገኙት ፋይቭ ስታር እና ዘ ሊግ ፓርቲዎች መሆናቸው ተነግሯል።

የኮንቴ አዲሱ አስተዳደር ከጣሊያን ፓርላማ የመተማመኛ ድምፅ ማግኘት እንደሚጠበቅበትም ተነግሯል።

ጠቅላይ ሚኒስትሩ ቃላ መሃላ በፈፀሙበት ወቅት እንደተናገሩት ካቢኔያቸው ከመንግስት ጋር የተደረሰውን ስምምነት ተግባራዊ ለማድረግ እና የዜጎችን የኑሮ ደረጃ ለማሻሻል እንደሚሰራ አስታውቀዋል።

ምንጭ፦ ሲኤንኤን

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram