ዶናልድ ትራምፕ ኪም ጆን ኡንን ወደ ኋይት ሃውስ ሊጋብዟቸው እንደሚችሉ ተናገሩ

የአሜሪካው ፕሬዚዳንት ዶናልድ ትራምፕ የሰሜን ኮሪያውን መሪ ኪም ጆን ኡንን ወደ ኋይት ሃውስ ሊጋብዟቸው እንደሚችሉ ተናገሩ።

ትራምፕ ከኪም ጋር በዚህ ወር የሚያደርጉት ውይይት በተሳካ ሁኔታ የሚጠናቀቅ ከሆነ፥ ኪም ጆን ኡንን በነጩ ቤተ መንግስት ሊጋብዟቸው እንደሚችሉ ተናግረዋል።

ትራምፕና ኪም በሲንጋፖር በዚህ ወር ተገናኝተው ለመወያየት ቀነ ቀጠሮ መያዛቸው ይታወሳል።

ትራምፕም ከኪም ጋር ፊት ለፊት ተገናኝተው የሚያደርጉት ውይይት ስኬታማ ከሆነ ኪምን ወደ ነጩ ቤተ መንግስት እንደሚጋብዟቸው ተናግረዋል።

ፕሬዚዳንት ትራምፕ ቀደም ባሉት ጊዜያት ሰሜን ኮሪያ የኒውክሌር መርሃ ግብሯን እንድታቋርጥ ሲወተወቱ ነበር።

ይህን የማታደርግ ከሆነ ደግሞ ጠንካራ ማዕቀብ ለመጣል ዝግጁ መሆናቸውን ሲገልጹ መቆየታቸው ይታወሳል።

አሁን ላይ ለመነጋገር በተዘጋጁበት ወቅት ግን ስለ ማዕቀብና ተያያዥ ጉዳዮች የመናገር ፍላጎት እንደሌላቸውም ገልጸዋል።

ምናልባት ይደረጋል የተባለው ድርድር በተሳካ ሁኔታ የማይጠናቀቅ ከሆነ ግን አሜሪካ ሰሜን ኮሪያ ጠንካራ ማዕቀብ እንደምትጥልም ሲገልጹ ቆይተዋል።

ይህ ውሳኔ ደግሞ ከኪም ጋር ከሚደረገው ድርድር በኋላ የሚታወቅ ይሆናል ተብሏል።

የአሁኑ የትራምፕ አስተያየት ከጃፓኑ ጠቅላይ ሚኒትር ሺንዞ አቤ ጋር ከተወያዩ በኋላ የተሰጠ ነው።

ሺንዞ አቤ ትራምፕ ወደ ስልጣን ከመጡ ወዲህ በተደጋጋሚ ጊዜ ተገናኝተው ተወያይተዋል።

በሲንጋፖር በሚደረገው የትራምፕና የኪም ውይይት ወቅትም ትራምፕ የጃፓንን ፍላጎት የተመለከቱ ጉዳዮችን ያነሳሉ ብለው እንደሚጠብቁ አቤ ገልጸዋል።

 

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram