ድብርትና የማህበራዊ ሚዲያ ጉድኝት

በዩናይትድ ስቴትስ ፒትስበርግ የጤና ሳይንስ ኮሌጅ ውስጥ የተሰራ ጥናት እንዳመለከተው ማህበራዊ ሚዲያና ድብርት ጠንካራ ጉድኝት አላቸው ብሏል።

በጥናቱ ማህበራዊ ሚዲያ ላይ አሉታዊ የሆኑ ልምዶች አወንታዊ ከሆኑት ይልቅ ሚዛን እንደሚደፉ ተገልጿል።

ይህም አዋቂዎችን ይበልጥ ለድብርት እንደሚያጋልጣቸው የፒትስበርግ የጤና ሳይንስ ኮሌጅ አስታውቋል።

በጥናቱ የማህበራዊ ሚዲያ ተጠቃሚ የሆኑ እድሜያቸው ከ18 እስከ 30 የሚሆኑ 1 ሺህ 179 የሚደርሱ የዩኒቨርስቲ ተማሪዎች የተካተቱ ሲሆን ከድብርት ጋር በተገናኘ መጠይቅ እንዲሞሉ ተደርጓል።

በዚህም ከእያንዳንዱ 10 በመቶ የማህበራዊ ሚዲያ ተጠቃሚ ውስጥ አወንታዊ ልምዶቹ አራት በመቶ ያህል ድብርትን ይቀንሳል ብለዋል።

እንዲሁም ከእያንዳንዱ 10 በመቶ የማህበራዊ ሚዲያ ተጠቃሚ ውስጥ አሉታዊ የሆኑ ልምዶች በአንጻሩ 20 በመቶ ያህል ድብርትን እንደሚጨምሩ ጥናቱ አመላክቷል።

በጥናቱ አሉታዊ የሆኑ የማህበራዊ ልምዶች ከድብርት ጋር ጠንካራ የሆነ ጉድኝት እንዳላቸውም አሳይቷል።

በተለይም ይህ ጥናት ከወንዶች ይልቅ በሴቶቹ ላይ በ 50 በመቶ እንደሚበረታ ተገልጿል።

የጥናቱ መሪዎች በጥቅሉ አወንታዊና አሉታዊ ተብለው በተለዩ የማህበራዊ ልምዶች ላይ ግንዛቤ መፍጠር እንደሚገባም በአጽንዖት ገልጽዋል።

በተጨማሪም የማህበራዊ ሚዲያ ተጠቃሚ የሆኑ በተመሳሳይ በድብርት የሚሰቃዩ ግለሰቦች አጠቃቀማቸውን እንዲከልሱ ያደርጋቸዋል ብለዋል አጥኚዎቹ።

 

 

 

ምንጭ፦ሳይንስ ዴይሊይ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram