ድምጹ ከፍ ያለ ሙዚቃ የሚያዳምጡ እና በድብርት የሚጠቁ ሰዎች ለመዘንጋት በሽታ ይጋለጣሉ – ጥናት

ድምጹ ከፍ ያለ ሙዚቃ የሚዳምጡ እና በድብርት የሚጠቁ ሰዎች ለአዕምሮ ህመም ወይንም ለመዘንጋት የመጋለጥ እድላቸው ከፍ ያለ እንደሆነተመራማሪዎች አስታወቁ፡፡

በተካሄዱ ሁለት ጥናቶች የአዕምሮ ህመምና የመስማት ችሎታ ማጣት ለመዘንጋት ህመም እንደሚያጋልጡ አስታውቀዋል፡፡

እንዲሁም በድብርት የሚሰቃዩ ሰዎች ከዕድሜ አቻዎቻቸው ይልቅ በአዕምሮ ህመም የመጋለጥ እድላቸው ከፍ ያለ ሆኖ ተገኝቷል፡፡

ጥናቱ በብሪታንያና በዩናይትድ ስቴትስ የተካሄደ ሲሆን፥ ሰዎች ከነዚህ ድርጊቶች እንዲቆጠቡ ወይንም እንዲጠነቀቁ ይረዳል ተብሏል፡፡

የዓለም የጤና ድርጅት 300 ሚሊየን የሚደርሱ ሰዎች በድብርት 466 ሚሊየኑ ደግሞ የመስማት ችሎታ በማጣት እንደሚሰቃዩ ገልጿል፡፡

ተመራማሪዎቹ 34 ጥናቶችን ፈትሸው 71 ሺህ የሚደርሱ ግለሰቦችን በጥናቱ አካተዋል፡፡

በተጨማሪም እድሜያቸው ከ18 እስከ 41 መካከል የሚገኙ 35 ሰዎች በተሳተፉበት ጥናት ውስጥ ከፍተኛ ድምጽ ያለው ሙዚቃ እንዲሰሙ ተደርጎ በኤምአርአይ ተነስቷል፡፡

በዚህም የመስማት ችሎታው ያላቸው ሰዎች አንደኛውን የአዕምሮው ክፍል ሲጠቀሙ እክል ያለባቸው ደግሞ ሁለቱንም ወደ መጠቀም ይገባሉ ተብሏል፡፡

ሁለቱንም መጠቀማቸው ታዲያ ከፍተኛ የሆነ ኃይል እንዲያወጡ ያስገድዳቸዋል፤ በዚህም ሰዎች ያለእድሜያቸው ለመዘንጋት በሽታ እንዲጋለጡ ይዳርጋቸዋል፡፡

ጥናቱን የሚመሩት ዩዋን ሊ ይህ ምርምር ስለጆሮ አይደለም ይልቅ ስለ አእምሮ ነው ብለዋል፡፡

በብሪታንያ ጥናቶች እንደሚያመለክቱት ከሆነ 850 ሺህ የሚጠጉ ሰዎች በመዘንጋት በሽታ እንደሚጠቁ መረጃዎች የሚገልጹ ሲሆን፥ እንዲሁም በየዓመቱ ከአምስት ሰዎች መካከል አንድ ሰው የበሽታው ምልክት ይታይበታል ይላሉ፡፡

 

ምንጭ፦ዴይሊይሜል
በአብርሃም ፈቀደ ወደ አማርኛ ተመለሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram