ደርሶ መልስ የቴሌቪዥን ድራማ – ከሚዲያ አጥር ባሻገር

ደርሶ መልስ የቴሌቪዥን ድራማ – ከሚዲያ አጥር ባሻገር
( እስክንድር ከበደ)
አንድ የውጭ ድረ ገጽ “We start where media stop” (” ሚዲያ ከቆመበት እንጀምራለን–” ) የምትል መፈክር አለችው።የደረ ገጹ አርማ ደግሞ የእንግሊዙን ዝነኛ ገጽ ባህሪ ሮቢን ሁድ ምልክት ይመስላል።አነጣጣሪ ደጋንና ጦር የያዝ የአዳኝ ምልክት አለው።ሚዲያ ነክቶ ያለፈውን ድረ ገጹ ነገሩ ከቆመበት ቀጥሎ ምርምራውንና ፈተሻውን የሚቀጥል መሆኑን መፈክሩ ትናገራለች።

የብሪታኒያ ሼርውድ የተሰኘ የንጉሳዊ ጫካ ውስጥ የሚኖር በአፈታሪክ የሚታወቅ ሮቢን ሁድ የተስኘ የሽፍታ አለቃ ነበር።ሮቢን ሁድ በመካከለኛው ዘመን በአፈታሪክ ገጸ ባህሪ ነው።ይህን ገጽ ባህሪ መነሻ ያደረጉ በርካታ ልብወለድ፡መጽሃፍትና ፊልሞች ተሰርተዋል።ሮቢን ሁድ “Merry Men” የተሰኙ አመጽኞች ወይም ሽፍቶች መሪ ሆኖ የሚሳል ዝነኛ ገጽ ባህሪ ሲሆን÷አብዛኛዎቹ ታሪኮች የሚዋቀሩት በሼርውድ ደን ውስጥ ነው።በመጀመሪያዎቹ ታሪኮች የመንገድ ላይ ዘራፊ ተደርጎ ይሳል ነበር ።በዘመናዊ የፈጠራ ስራዎች ለድሆች ፍትህ እንዲያገኙ ጥረት ሲያደርግ ያሳያሉ። ሮቢን ሁድ ሀብታሞችና ባለስልጣናትን በህገወጥ መንገድ ያካበቱትን ሀብቶች ነጥቆ ለደሆች በማከፋፈል በራሱ መንገድ ፍትህ ለማስፈን ሲሞክር የሚያሳዩ ፈጠራ ስራዎች ብዙ ናቸው።

በሀገራችን የቴሌቪዝን ድራማዎችና ፊልሞች ከጊዜ ወደ ጊዜ እየተሻሻሉ ቢሄዱም ከሚያነሱት ሃሳብና ሃሳቡን የሚያቀርቡበት መንገድ ብስልት ይጎላቸዋል የሚል ስሞታ ብዙ ጊዜ ይነሳል። በደራሲና አዘጋጅ መአዛ ወርቁ እየቀረበ ያለው ” ደርሶ መልስ ” የቴሌቪዝን ድራማ ግን ምርጥ ሆኖ አግኝቸዋልሁ።ዛሬ ምእራፍ አንድ ተጠናቋል። ድራማው የማህበራዊ ህጽጾቻችንን የሚፈትሽበት መንገድ ከዚህ ቀደም ከለመድናቸው ድርሰቶች ለየት ባለመልኩ የቀረበ ነው።

በዚህ የቴሌቪዥን ድርሰት የሶስት ትውልድ ተዋንያን ማለት በሚቻል መልኩ አንጋፋና ወጣት ተዋንያን የራሳቸውን ቀለም ይዘው ምርጥ ክዋኔ አያሳዩን ነው።በአንጋፋዎቹና በወጣቶቹ ተዋንያኖች መካከል እንደ ተሰጣቸው ገጸ ባህሪ አሳማኝ ትወና ሳያደንንቁ ማለፍ አይቻልም።ድርሰቱ ለደበበ እሸቱ ÷ ለተፈሪ አለሙና አለማየሁ ታደስ የሚመጥን እንደሆነ ሁሉ የማለዳ ኮከቦች” በቅርቡ ያወጣቸው ወጣት ተዋንያን ሳይቀሩ ምርጥ ሆነው የታዩበት እንዲሆን ዝግጅቱም የተለፋበት ይመስላል።

ደርሶ መልስ የቴሌቪዥን ድራማ “ሚዲያና ፍትህ ያልደረሰባቸውን” በጥናትና በምርመራዊ ስልት ይቃኛል።ከሚዲያና ፍትህ አጥር ባሻገር የማህበረሰባችንን ህጽጽ በተለየ መንገድ እንድናይ አጉሊ መነጽር ይዞ የመጣ ይመስላል ለማንኛውም “ደርሶ መልስ” በቀጣዩ ምእራፍ ምን ይዞ ይመጣል የሚል ጉጉት ፈጥሮብኛል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram