fbpx

ደሞዝ ሳይከፈላት ከ4 ዓመት በላይ በቤት ሰራተኝነት ለቆየች ኢትዮጵያአዊት 250 ሺህ ብር ተከፈላት

ከ4 ዓመት በላይ ደሞዝ ሳይከፈላት በአረብ አገር በቤት ሰራተኛ ለቆየች ኢትዮጵዊት ከ250 ሺህ ብር እንዲከፈላት ማድረጉን የአዲስ አበባ ሰራተኛ እና ማህበራዊ ጉዳይ ቢሮ አስታወቀ።

ቢሮዉ በሳዉዲ አረቢያ የሚገኘዉ ኤምባሲን ጨምሮ የተለያዩ ባለድረሻ አካላት ጋር በመተባበር ከ4 ዓመት በላይ ደሞዟን የተከለከለችው ግለሰብ ደመዟን እንድታገኝ አድርጓል ተብሏል።

የስራ አገናኝ ኤጀንሲዎች ስራ ካገናኙ በኋላ ዉሉ እስኪጠናቀቅ ድረስ ቢታገዱም ክትትል ማድረግ እንደሚጠበቅባቸዉ በቢሮዉ የስራ ስምሪት አገልግሎት ማስፋፊያ ዳይሬክተር አቶ አሉላ ሲሳይ ተናግረዋል።

ቢሮው ኪዚህ በኋላም በአረብ ሀገራት እየሰሩ ለተለያዩ መብት ጥሰቶች የሚደርስባቸዉን ዜጎች መብት ለማስከበር እንደሚሰራ ነው የተገለው።

ግለሰቧ ለ4 አመት ከ6 ወራት የወር ደሞዝ ሳይከፈላት በአረብ ሀገር ስትሰራ የነበረ ሲሆን፥ የአዲስ አበባ ሰራተኛና ማህበራዊ ጉዳይ በደረሰዉ ጥቆማ መሰረት ከ 250 ሺህ ብር በላይ እንዲከፈላት ማድረጉ ነው የተገለጸው።

ቢሮው በ2006 ዓ.ም ታግዶ በቆየዉ የዉጪ የስራ ስምሪት ምክንያት ስራዉን አቁሞ የቆየዉ፤ ሳምባ የተሰኘዉ አገናኝ ኤጀንሲን አፈላልጎ በማግኘት ግለሰቧ ፤ ደሞዟን እንዲከፈላትና ወደ ሀገሯ በሰላም እንድትመለስ ማድረግ መቻሉም ተገልጿል።

ግለሰቧ ሳምባ በተሰኘ የዉጪ ሀገር አሰሪና ሰራተኛ አገናኝ ኤጀንሲ በ 2005 አም ወደ ሳዉዲ አረቢያ ብተቃናም ለተወሰኑ ወራት ብቻ ነው ወርሃዊ ደሞዟን ከአሰሪዎቿ ማግኘት የቻለችዉ ተብሏል።

በኃይለሚካኤል አበበ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram