ዩጋንዳ ሀምሳ አንድ ኪ.ሜ አውራ ጎዳና (ቀለበት መንገድ) ግንባታ አስመረቀች

ርዕሰ ከተማዋን ካምፓላ ከሀገሪቱ አለም አቀፍ አውሮፕላን ጣቢያ ጋር የሚያገናኘው መንገድ መሪው ዮሪ ሞሶቮኒ እና የቻይና ባለስልጣን በታደሙበት ለአገልግሎት ክፍት ሆኗል፡፡

ከካምፓላ ኢንቴቤ ለሰአታት ይፈጅ የነበረውን ጉዞ ወደ ሰላሳ ደቂቃ ያሳጥራልም ተብሎለታል፡፡ የመንገዱ ግንባታ የተጠናከረ የቻይና እና አፍሪካ ድጋፍ ውጤት ነው ሲሉ ፕሬዝዳንት ሞሶቮኒ ተናግረዋል፡፡

ሶስተኛ የቻይና ምክትል ጠቅላይ ሚኒስትር ዋንግ ያንግ በበኩላቸው ሁሉንም ሀገሮች እናከብራለን፡፡ በምጣኔ ሀብት ትብብር የአለም አቀፉ ማህበረሰብ እኩል አባላት ናቸው፡፡ በሁለት ወገን ተጠቃሚነትን በሚያረጋግጥ ትብብር እናምናለን፡፡ ሁሌም ለፍትህ እና ወዳጅነት ቅድሚያ እንሰጣለን፡፡ ለዩጋንዳ ያለምንም ፖለቲካዊ ግዴታ (ግፊት) በተቻለን አቅም ሁሉ የእርዳት ልገሳችንን እንቀጥላለን ብለዋል፡፡

ከፕሮጀክቱ ጠቅላላ ወጪ አራት መቶ ሰባ ስድስት ሚሊዮን የአሜሪካ ዶላር ውስጥ የቻይናው ኤግዚም ባንክ ሶስት መቶ ሀምሳ ሚሊዮን ዶላር ብድር ሰጧል፡፡

የግንባታ ስራው በአውሮፓውያኑ 2012 የተጀመረ ሲሆን ይጠናቀቃል ተብሎ ከታቀደበት አንድ አመት ዘግይቶ ነው የተገባደደው፡፡ የግንባታው ተቋራጮች በካሳ ክፍያ በኩል እና በወጪው ዙሪያ ትችት አጋጥሟቸዋል፡፡
ምንጭ፦ አጃንስ ፍራንስ ፕሬስ፣ አፍሪካኒውስ
በኪሩቤል ተሾመ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram