ዩናይትድ ስቴትስ ለደቡብ ሱዳን የምትሰጠውን ድጋፍ ልታቋርጥ እንደምትችል አስጠነቀቀች

ዩናይትድ ስቴትስ ደቡብ ሱዳን ፊቷን ወደ ሰላም ካላዞረች የምትሰጠውን እርዳት ልታቋርጥ እንደምትችል አስጠነቀቀች፡፡

ይህንን ያሉት የዋይት ሐውስ ቃልአቀባይ ሳራ ሳንደርስ ሲሆኑ፥ ሀገራቸው የምታደርገውን ድጋፍ በድጋሚ እንደምታጤነው አስታውቀዋል፡፡

ሀገራቸው ብሄር ተኮር በሆኑ ግጭቶች ውስጥ የሚገኙና መጨረሻ በሌለው ጦርነት ውስጥ ከሚዘፈቁ የሀገራት መሪዎች ጋር የምታደርገው ትብብር እንደማይኖር ገልጸዋል፡፡

እንደ አውሮፓውያን አቆጣጠር በ2018 ዩናይትድ ስቴትስ ለደቡብ ሱዳን 110 ሚሊየን ዶላር ለመስጠት ቃል ገብታ ነበር፡፡

ዩናይትድ ስቴትስ እርዳታውን የምታቋርጥ ከሆነ በሚሊየን ለሚቆጠሩ ስደተኞች ይቀርብ የነበረውን የመድሐኒት፣ የምግብ እና ሌሎች አቅርቦቶች ይስተጓጎላሉ ተብሏል፡፡

በሳምንቱ መጀመሪያ የደቡብ ሱዳን መሪ ሳልቫ ኪር የተቃዋሚ መሪውን ሪክ ማቻርን ወደ ሀገራቸው እንዲመለሱ ጥሪ ቢያቀርቡም እንዳልተቀበሏቸው ተገልጿል፡፡

ዩናይትድ ስቴትስ ግጭቱ ከተቀሰቀሰበት ከ2013 አንስቶ ሰብዓዊ ቀውሱን በማስመልከት የ3 ነጥብ 2 ቢሊየን ዶላር ድጋፍ አድርጋለች፡፡

ምንጭ፦ ሲጂቲኤን

Share your thoughts on this post