የ11 ዓመቱ ህፃን የኮሌጅ ተመራቂ ሆነ

በአሜሪካ የ11 ዓመት ህፃን የኮሌጅ ትምህርቱን አጠናቆ ባለፈው ቅዳሜ በዲግሪ ለምረቃ መብቃቱ ብዙዎችን አነጋግሯል፡፡

በፍሎሪዳ ግዛት የሴንትፒተርስበርግ ኮሌጅ ተመራቂ የሆነው የ11 ዓመቱ ህፃን ዊሊያም ማሊያስ በአሜሪካ የሚደረጉ ምርጫዎች ላይ መሳተፍ እና መኪና ለመንዳት እድሜው ያልደረሰ ቢሆንም በለጋ እድሜው የከፍተኛ ትምህርቱ መጨረሱ የብዙዎችን ትኩረት ስቧል ብሏል ሲኤን ኤን በዘገባው፡፡

ዊሊያም የሁለተኛ ደረጃ ትምህርቱን በ9 ዓመቱ አጠናቆ ነበር በስነ ጥበብ የኮሌጅ ትምህርቱን መከታተል የጀመረው፡፡

ተማሪው ከጨቅላ እድሜ ጀምሮ አዳዲስ ነገሮችን ለማወቅ እጅግ ፈጣን እንደነበር ወላጆቹ ተናግረዋል፡፡

ዊሊያም በ2 ዓመቱ ቀላል የሚባሉ የሂሳብ ስሌቶች መስራት ይችል ነበር፡፡ በ4 ዓመቱ ደግሞ አልጀብራ የሚባል የሂሳብ ትምህርትን ተከታትሎ በቀላሉ ማስላት ችሏል፡፡

ሁሉም ሰው በፈጣሪ ዘንድ የተሰጠው ስጦታ አለ፤ እኔ ደግሞ ሳይንስና የታሪክ እውቀቶች ከፈጣሪ የተለገሱኝ ስጦታዎች ናቸው ሲል ዊሊያም ተናግሯል፡፡

የወደፊት ህልሙ ‹‹አስትሮፊዚክስ›› ወይም በህዋ ሳይንስ ክዋክብትና ተያያዥ ቁሳዊ አካላትን ከፊዚክስ ህግ አንፃር በሚያጠናው የሳይንስ መስክ መግፋት እንደሆነ ተናግሯል፡፡

ዊሊያም በ18 ዓመቱ የዶክትሬት ምሩቅ የመሆን ውጥን አለው፡፡

ይህም እድሜ አብዛኛው ወጣት ገና የኮሌጅ ትምህርቱን የሚጀምርበት እድሜ መሆኑን ልብ ይሏል፡፡

በዚህ ህፃን የኮሌጅ ተመራቂ በእጅጉ የተደመሙት የሴንትፒተርስበርግ ኮሌጅ ፕሬዝዳንት ዶ/ር ቶንጆ ዊሊያምስ ተማሪው በጣም ጎበዝ፣ ተባባሪና ከፍተኛ የመቀበል ችሎታ አለው ብለዋል፡፡

ምንጭ፦ ሲኤንኤን

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram