የ10ኛ እና 12ኛ ክፍል ሀገር አቀፍ ፈተና ከነገ ጀምሮ ይሰጣል

የዘንድሮው የ10ኛ እና 12ኛ ክፍል ሀገር አቀፍ ብሄራዊ ፈተና ከነገ ጀምሮ ይሰጣል።

የሀገር አቀፍ የትምህርት ምዘናና ፈተናዎች ኤጀንሲ ለፋና ብሮድካስቲንግ ኮርፖሬት በላከው መግለጫ፥ የ10ኛ ክፍል ፈተና ከነገ ግንቦት 22 እስከ ግንቦት 24 2010 ዓ.ም ድረስ እንደሚሰጥ ገልጿል።

የ12ኛ ክፍል የዩኒቨርሲቲ መግቢያ ብሄራዊ ፈተና ደግሞ ከፊታችን ሰኞ ግንቦት 27 እስከ ግንቦት 30 2010 ዓ.ም ይሰጣል።

1 ነጥብ 2 ሚሊየን ተማሪዎች የ10ኛ ክፍል የአጠቃላይ የትምህርት ማጠናቀቂያ ፈተና ላይ የሚቀመጡ ሲሆን፥ ከእነዚህም ውስጥ 648 ሺህ 837 ወንዶች፤ 573 ሺህ 920 ሴቶች ናቸው ብሏል ኤጄንሲው።

የ10ኛ ክፍል ሀገር አቀፍ ፈተናው በመላ ሀሪቱ በተቋቋሙ 2 ሺህ 709 የፈተና ጣቢያዎች እንደሚሰጥ ሀገር አቀፍ የትምህርት ምዘና እና ፈተናዎች ኤጄንሲ አስታውቋል።

155 ሺህ 930 ወንዶች እና 128 ሺህ 628 ሴቶች በድምሩ 284 ሺህ ተማሪዎች ደግሞ የ12ኛ ክፍል የዩኒቨርስቲ መግቢያ ብቃት መመዘኛ ፈተናውን ይወስዳሉ።

የ12ኛ ክፍል የዩኒቨርስቲ መግቢያ ብቃት መመዘኛ ፈተናው በመላው ሀገሪቱ በተቋቋሙ 993 የፈተና ጣቢያዎች እንደሚሰጥ ኤጀንሲው አስታውቋል።

ለሀገር አቀፍ ፈተናዎቹ አስፈላጊው ቅድመ ዝግጅት መጠናቀቁን የገለፀው ኤጀንሲው፥ የፈተናዎቹም ደህነነታቸው በተጠበቀ መልኩ ለሁሉም የፈተና ጣቢያዎች መሰራጨታቸውን አስታውቋል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram