የፈረንሳይ ፖሊስ በፓሪስ የሚገኘውን ትልቁን የስደተኞች መጠለያ መዝጋቱን አስታወቀ

የፈረንሳይ ፖሊስ በፓሪስ የሚገኘውን ሚሌኔ በመባል የሚጠራውን ትልቁን የስደተኞች መጠለያ መዝጋቱን አስታወቀ፡፡

በመጠሊያ ካምፕ ውስጥ ይኖሩ የነበሩ ስደተኞች ቁጥር 1 ሺህ 500 የሚደርስ ሲሆን፥ አብዛኞቹ ስደተኞች ከኤርትራ ከሱዳን እና ከሶማሊያ መሆናቸው ተገልጿል፡፡

መጠሊያው ሊዘጋ የቻለው በደህንነት ምክንያት መሆኑን የፓሪስ ፖሊስ አስታውቋል፡፡

ስደተኞቹ በፓሪስ የተለያዩ የከተማዋ ክፍሎች ውስጥ በሚገኙ 20 መጠሊያዎች እንዲያርፉ መደረጉን የፈረንሳይ የሀገር ውስጥ ሚኒስትሩ ገልጸዋል፡፡

የሀገር ውስጥ ሚኒስትሩ ከዚህ በኃላ እንደዚህ ያለ ትልቅ የስደተኞች መጠሊያ ዳግም እንዳይገነባ መንግስታቸው እንደሚሰራ ተናግረዋል፡፡

በተጨማሪም በመግለጫቸው ከጥገኝነት ጠያቂዎቹ መካከል ህጉን የሚያሟሉ ካሉ ሀገራቸው ጥያቄያቸውን የምታስተናግድ መሆኑን ይፋ አድርገዋል፡፡

ፖሊስ ባለፉት ሦስት ዓመታት በፓሪስ የስደተኞች መጠሊያ ውስጥ የነበሩ 20 ሺህ ስደተኞችን ማስወጣቱን መረጃዎች ያመለክታሉ፡፡

ምንጭ፦ አልጀዚራ
በአብርሃም ፈቀደ ወደ አማርኛ ተመለሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram