የፈረንሳይ አጫሾች ቁጥር በ1 ዓመት ውስጥ በ1 ሚሊየን ያህል አሃዝ ቀነሰ- ጥናት

የፈረንሳይ አጫሾች ቁጥር በአንድ አመት ውስጥ በ1 ሚሊየን ያህል አሃዝ እንደቀነሰ አንድ ጥናት አመላክቷል።

በፈረንሳይ የጫሾቹ ቁጥር በእየቀኑ እየቀነሰ የመጣ ሲሆን፥ ከፈረንጆቹ 2016- 2017 ባሉት ጊዚያት መካከል 1 ሚሊየን ያህል ዜጎች ማጨሳቸውን ያቆሙ መሆኑ ነው የተገለጸው።

በለፉት 10 አመታት በፈረንሳይ የአጫሾች ቁጥር በዚህ ደረጃ ሲቀንስ ይህ የመጀመሪያው ሲሆን፥ የአጫሾቹን ቁጥር በዚህ ደረጃ ለመቀነስ ያስቻለው ቀደም ሲል ሀገሪቱ ዜጎቿ አጫሽ እንዳይሆኑ ያከናዎነቻቸው ተግባራት ውጤት ሊሆን እንደሚችልም ተጠቁሟል።

በዚህም በሀገሪቱ በፈረንጆቹ 2016 ከነበረው 13ነጥብ2 ሚሊየን የአጫሾች ቁጥር በ2017 ወደ 12ነጥብ2 ሚሊየን ዝቅ ማለቱን ነው በጥናቱ የተገለጸው።

ለአጫሾች ቁጥር መቀነስም እድሜያቸው ከ18 ዓመት በታች የሆኑ ልጆችና የኢኮኖሚ ገቢያቸው ዝቅተኛ የሆኑ ዜጎች ያላቸው ተሳትፎ ከፍ ያለ መሆኑን ነው ዘገባው የሚያስረዳው።

ቀደም ሲል በሃገሪቱ የትምባሆ ነፃ ሳምንት የማዎጅ፣ የሲጋራ ዋጋ እንዲጨምር የማድረግ እና በትምባሆ ፋንታ ሌሎች ነገሮችን የሚጠቀሙ ሰዎችን የማበረታት ስራዎች ሲሰሩ እንደቆዩም ዘገባው አስታውሷል።

በዓለም አቀፍ ደረጃ ከ10 ሟቾች አንዱ ከሲጋራ ሱሰኝነት ጋር በተያያዘ ህይወቱ የሚያልፍ ሲሆን፣ በዓለም አቀፍ ደረጃ በሲጋራ ህይወታቸው ከሚያልፍ ሰዎች መካከል ከፊሉን ድርሻ ቻይና፣ ህንድ፣ አሜሪካና ሩሲያ እንደሚይዙ ነው ዘገባው የሚያመላክተው።

የዘርፉ ችግርም በበለጸጉ ሀገራት ከሌሎች አካባቢዎች በተባባሰ ሁኔታ የተስፋፋ መሆኑም ነው የተገለጸው።

 

ምንጭ፦ bbc.com

የተተረጎመውና የተጫነው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram