fbpx

የፀጉር መነቃቀልን ለመከላከል የሚረዱ ምግቦች

የፀጉር መነቃቀልን ለመከላከል ቀዳሚ ተግባር መሆን ያለበት የአመጋገብ ስርዓትን ማስተካከል እንደሆነ ባለሙያዎቹ ይናገራሉ፡፡

ፀጉር በሰውነታችን ካሉት ነገሮች ቀዳሚ በመሆን በፍጥነት የሚያድግ ሲሆን የአመጋገብ ስርዓታችን ደግሞ ለዚህ ተጽዕኖ ያሳድራል ተብሏል፡፡

የፀጉር መነቃቀልን ለመከላከል ከሚረዱ የምግብ ዓይነቶች መካከልም እንቁላል፣ ባቄላ እና ሌሎችም ይጠቀሳሉ፡፡

እንቁላል

እንቁላል ከፍተኛ የሆነ የፕሮቲን ይዘት አለው ፕሮቲኑ በአንጻራዊነት በሌሎች ተዋፅዖዎች ውስጥ ከሚገኘውም የተለየ እና ጥራት ያለው ነው ይላሉ ባለሙያዎቹ ይህ ደግሞ ለፀጉር ዕድገትና ጥንካሬ መልካም መሆኑን ይገልጻሉ፡፡

የሳልመን አሳን 

የሳልመን አሳ ስብ ያዘለ አሳ ሲሆን ለአንጎል፣ ለደም ቧንቧ፣ ለቆዳ እና ለፀጉር ጠቃሚ ነው እንዲሁም በውስጡ ለፀጉር ዕድገት አስተዋፅዖ የሚያደረገውን “ኦሜጋ ስሪ”ን ይዟል፡፡

በተለያየ መልኩ የሚዘጋጅ የሳልመን አሳን ቢያንስ በሳምንት ሁለት ጊዜ መመገብ ከቻሉ ችግሩን እንደሚከላከሉ ባለሙያዎቹ ይናገራሉ፡፡

የጥጃ ስጋ

የፀጉር መነቃቀልን ለመከላከል ከሚረዱ ነገሮች መካከል የጥጃ ስጋ አንዱ ሲሆን በቪታሚን ቢ በብረት እና በዚንክ የበለጸገ በመሆኑ ቢያንስ በሳምንት ለሁለትና ለሦስት ጊዜያት ያህል መመገብ ለፀጉር ዕድገት መልካም ነው ይላሉ፡፡

ባቄላ

ባቄላ የካሎሪ መጠኑ አነስተኛ የሆነ የፕሮቲን ይዘት ያለው ሲሆን በቪታሚን ቢ እና ሲ፣ ዚንክ እንዲሁም በሌሎች ማዕድናት የበለጸገ እንደመሆኑ ለፀጉር ዕድገት ጠቃሚነት ካላቸው ምግቦች መካከል ዋነኛው ነው ይላሉ፡፡

በተጨማሪም በውስጡ የብረት ማዕድን የያዘ በመሆኑ ለፀጉር መነቃቀል ፍቱን መሆኑን ገልጸዋል ባለሙያዎቹ፡፡

በተጨማሪም የሱፍ አበባ፣ ካሮት፣ ቅንጬ፣ የስኳር ድንች እና ሌሎችም ምግቦች የፀጉር መነቃቀልን ለመከላከል የሚረዱ ምግቦች መሆናቸውን ባለሙያዎቹ ገልጸዋል፡፡

 

 

 

ምንጭ፦ቶፕቴን
በአብርሃም ፈቀደ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram