የጨው አወሳሰድ ከእድሜ ማጠር ጋር ቁርኝት አለው- ጥናት

የጨው አወሳሰድ ከእድሜ ማጠር ጋር ቁርኝት እንዳለው ተመራማሪዎች ገለጹ።

የሶዲዬም ጨው አወሳሰድ ሲጨምር የደም ግፊት፣ ልብና ከልብ ጋር ተያያዝ የሆኑ የጤና ችግሮች እንደሚከሰቱ ቀደም ባሉት ጥናቶች የተገለጸ ሲሆን፥ በናሙና አወሳሰድና ልኬት ላይ በነበረው ውስንነት በእጥረቱ ሊከሰት የሚችለው ጉዳት ያልተዳሰሰ መሆኑ ተገልጿል።

የአዲሱ ጥናት ቡድን በምግብ አወሳሰድ ወቅት ከፍተኛ የምግብ ጨው መውሰድም ይሁን እጥረቱ ለጤና ጉዳት ያለው መሆኑን አመላክቷል።

ጥናቱ ቅድመ የደም ግፊት ምልክቶች በሚታዩባቸው 3 ሺህ ያህል ተጠኝዎች ላይ በተደረገ ሙከራ ውጤቱ የታየ መሆኑም ታውቋል።

ቀደም ባሉት ጥናት በሰውነት ውስጥ ያለን የጨው መጠን ለመለካት አገልግሎት ላይ ይውል የነበረው አሰራር ተከታታይ ያልሆኑ ናሙናዎችን በመውሰድና በማጠጋጋት የሚሰራ መሆኑን ነው የበርንግሃምና የሴቶች ሆስፒታል ተመራማሪዎች የገለጹት።

የጨው ይዘትና ሰዎች ጨው ሊያኙባቸው የሚችሉ የተለያዩ መንገዶች ያሉ ሲሆን፥ የጨው አወሳሰድና የአመጋገብ ሁኔታ በሰዓታትና ቀናት እንደሚለያይም ነው የተገለጸው።

በዚህም ከሰውነት የሚወሰዱ የጨው ልኬትን ለመውሰድ የሚያስችሉ ናሙናዎች በእየሰዓቱ የሚለያዩ ሲሆን፥ የአንድ ቀንን ሁኔታ ለመረዳት የ24 ሰዓት ክትትል ማድረግ የሚጠይቅ መሆኑን ተመራማሪዎች ያስረዳሉ።

በሰውነት ውስጥ ያለን የምግብ ጨው/ሶዲዬምን/ ለመለካት እስቸጋሪ ሲሆን፥ ሰውነት ጨውን ከተጠቀመ በኋላ በተለያዩ መንገዶች ከሰውነት ሲወገድ በሚወሰድ ናሙና የጨውን መጠን ለማዎቅ የተሻለ አመራጭ ነው ተብሏል።

ምንጭ፦ sciencedaily.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram