የጅማ፣ ባህርዳር፣ ድሬደዋ፣ ሀዋሳ፣ ጅግጅጋ፣ ሰመራና ሌሎችም ዩኒቨርስቲዎች ተማሪዎቻቸውን እያስመረቁ ነው

በሀገሪቱ የሚገኙ የተለያዩ ዩኒቨርሲቲዎች በዛሬው እለት ተማሪዎቻቸውን በማስመረቅ ላይ ይገኛሉ።

የጅማ ዩኒቨርሲቲ በዛሬው እለት በተለያዩ የትምህርት ዘርፎች ያሰለጠናቸውን ከ2 ሺህ 100 በላይ ተማሪዎቹን እያስመረቀ ነው።

ከእነዚህም ውስጥ 1 ሺህ 556 በመጀመሪያ ዲግሪ፣ 620 ተማሪዎችን በሁለተኛ ዲግሪ እንዲሁም 4 ተማሪዎችን በሶስተኛ ወይም ዶክትሬት ዲግሪ እያስመረቀ ነው።

የባርዳር ዩኒቨርሲቲም በዛሬው እለት በተለያዩ የትምህርት ዘርፎች ያሰለጠናቸውን 11 ሺህ ተማሪዎቹን በማስመረቅ ላይ ይገኛል።

bahir_dar.png

ዮኒቨርስቲው በዛሬው እለት ከመጀመሪያ ዲግሪ እስከ ሶስተኛ ዲግሪ ያሰለጠናቸውን ተማሪዎቹን የሚያስመርቅ ሲሆን፥ ለሁለት ግለሰቦችም የክብር ዶክትሬት ዲግሪ እንደሚሰጥ ታውቋል።

የክብር ዶክትሬት የሚሰጣቸው ወባን በአማራ ክልል እንዲጠፋ ፀረ ወባ ማህበር መስረተው ሁነኛ ለውጥ ላመጡት ለአቶ አበረ ምህረቴ እና በባህርዳር ዮኒቨርስቲ የምህድስና ዘርፍ ተመራማሪ ለሆኑት ለፕሮፌሰር ታምስቲን ሆርስ ናቸው።

በተመሳሳይም የድሬዳዋ፣ ሀዋሳ፣ ሰመራ ዩኒቨርሲቲዎች በመጀመሪያ እና በሁለተኛ ዲግሪ ያሰለጠኗቸውን ተማሪዎቻቸውን እያስመረቁ ሲሆን፥ ጂግጂጋ ዩኒቨርስቲም ከ3 ሺህ በላይ ተማሪዎችን በ67 ፕሮግራሞች ዛሬ ያሰመርቃል።

በቀጣይ ሳምንት ሌሎች ከፍተኛ የትምህርት ተቋማት በቀንና በማታ ያስተማሯቸው ተማሪዎችን የሚያስመርቁ ይሆናል።

የትምህርት ሚኒስቴር እንዳስታወቀው፥ በ2010 የትምህርት ዘመን በመደበኛ እና መደበኛ ባልሆኑ መርሃ ግብሮች 170 ሺህ 578 ተማሪዎች ይመረቃሉ።

ከተመራቂዎች መካከል 116 ሺህ 128 በመደበኛ፣ 54 ሺህ 450 ደግሞ መደበኛ ባልሆኑ መርሃ ግብሮች የተማሩ ናቸው።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram