የድሬዳዋና መቐለ ኢንዱስትሪ ፓርኮች አገናኝ መንገዶች ግንባታ እየተካሄደ ነው

የድሬዳዋ እና መቐለ ኢንዱስትሪ ፓርኮች አገናኝ መንገዶች ግንባታ እየተካሄደ መሆኑ ተገለፀ።

የኢትዮጵያ መንገዶች ባለስልጣን ለፋና ብሮድካስቲንግ ኮርፖሬት እንዳስታወቀው፥ በቅርቡ ግንባታቸው የተጀመረው አገናኝ መንገዶች 26 ኪሎ ሜትር ርዝመት አላቸው።

ለመንገዶቹ ግንባታ ከ700 ሚሊየን ብር በላይ ወጪ ይደረጋል ብለዋል የባለስልጣኑ የኮሙዩኒኬሽን ዳይሬክተር አቶ ሳምሶን ወንድሙ።

በቀጣይም የአዳማ፣ ደብረ ብርሃን፣ አረርቲ እና ኮምቦልቻ ኢንዱስትሪ ፓርኮች አገናኝ መንገዶች ግንባታ እንደሚጀመር ነው ዳይሬክተሩ የገለጹት።

ጥናቱ ሲጠናቀቅም 47 ኪሎ ሜትር የሚሸፍኑትን የአራት ኢንዱስትሪ ፓርኮች አገናኝ መንገዶች ግንባታ ለመጀመር ጨረታ ይወጣል ብለዋል።

ኤፍ.ቢ.ሲ