የዳንጎቴ ሲሚንቶ ፋብሪካ ስራ አስኪያጅ ባልታወቁ ሰዎች በደረሰባቸው ጥቃት ህይወታቸው አለፈ

በኦሮሚያ ክልል ምእራብ ሸዋ ዞን አዳአ በርጋ ወረዳ የሚገኘው የዳንጎቴ ሲሚንቶ ፋብሪካ ስራ አስኪያጅ ማንነታቸው ባልታወቁ የታጠቁ ሰዎች በተፈፀመባቸው ጥቃት ህይወታቸው አለፈ።

አብረዋቸው የነበሩ ሁለት የፋብሪካው ሰራተኞችም ህይወታቸው ማለፉን የአስቸኳይ ጊዜ አዋጁ ኮማነድ ፖስት ለፋና ብሮድካስቲንግ ኮርፖሬት በላከው መግለጫ ጠቁሟል።

የፀጥታ ሀይሎች በአሁኑ ወቅት አጥፊዎቹን አድኖ ለመያዝ ጥብቅ ክትትል በማድረግ ላይ የሚገኙ ሲሆን፥ ተጠርጣሪዎችን ለመያዝ በሚደረገው ጥረት ህብርተሰቡ አስፈላጊውን ትብብር እንዲያደርግ ኮማንድ ፖስቱ ጠይቋል።

ኤፍ ቢ ሲ

Share your thoughts on this post