የየመን መንግስት ወታደራዊ ሃይሎች የሁዳይዳህ የአውሮፕላን ማረፊያ በቁጥጥር ስር አዋሉ

የየመን መንግስት ወታደራዊ ሃይሎች የሁዳይዳህ የአውሮፕላን ማረፊያ በቁጥጥር ስር ማዋላቸው ተገልጿል።

የሁዳይዳህ የአውሮፕላን ማረፊያ ከሃውቲ አማፂያንን በማስለቀቀቅ በቁጥጥር ስር ማዋላቸውን የየመን ወታደራዊ ሃይሎች የመረጃ ምንጮች በትዊተር ገጽ ማስፈራቸው ተገልጿል።

ይሁን እንጂ የሃውቲ አማፂያን ቡድን አካባቢውን መልቀቁን እስካሁን እንዳላረጋገጠ ነው የተገለጸው።

የሁዳይዳህ ከተማ በሚሊየን ለሚቆጠሩና በሰባዊ ቀውስ ውስጥ ለሚገኙ የመናዊያን እርዳታ ለማድረስ ዋነኛ መስመር እንደመሆኗ መጠን ጦርነት ያልተካሄደባት መሁኑም ተጠቁሟል።

ይሁን እንጂ ባሳለፍነው ሮቡ በሳዑዲ ጥምር ሃይል የሚመራው ሃይል በሁዳይዳህ ደሴት ላይ ወታደራዊ ጥቃት የፈጸመ መሆኑ ነው የተገለጸው።

መንግስት በበኩሉ የሁዳይዳህ ወደብ መሰረተ ልማቶች ላይ ጥቃቱ ያልተፈጸመና ወደፊትም መሰረተ ልማቶችን ኢላማ ያደረገ ጥቃት የማይፈጸም መሆኑን የገለጸ መሆኑ ተመላክቷል።

የየመን፣ የተባበሩት አረብ ኢምሬትና የሱዳን ወታደሮች ደሴቷን በቁጥጥር ስር ለማዋል በተጠንቀቅ ላይ የነበሩ መሆኑ የተገለጸ ሲሆን፥ አሁን ላይ የየመን ወታደራዊ ሃይሎች የመረጃ ምንጮች በትዊተር ገፃቸው የሁዳይዳህ የአውሮፕላን ማረፊያ ከሃውቲ አማፂያንን በማስለቀቀቅ በቁጥጥር ስር ማዋላቸውን ጠቅሰው የመገናኛ ብዙሃን መዘገባቸው ተገልጿል።

የሁዳይዳህ ደሴት ወደብ በሃውቲ አማፂያን ቁጥጥር ስር መቆየቷን ያስታወሰው ዘገባው አካባቢው በመንግሰት ወታደሮች ቁጥጥር ስር መዋሉ ለሃውቲ አማፂያን ከፍተኛ ጉዳት ያለው መሆኑን አመላክቷል።

በሃገሪቱ ከፈረንጆቹ 2015 ጀምሮ እየተባባሰ በመጣው ግጭት የሃውቲ አማፂያን የሀገሪቱን ምዕራባዊ አካባቢዎችና ዋና መዲናዋን በቁጥጥር ስር በማዋላቸው ፕሬዚዳንት አብድርአሁህ ማንሱር ሃዲ ከሃገር እንዲወጡ ማድረጉን ዘገባው ያስረዳል።

ግጭቱ በሀገሪቱ 22 ሚሊያን ያህል ዜጎች እርዳታ ፈላጊ እንዲሆኑ ያደረገ ሲሆን፥ የሰባዊ ቀውሱ እየተባባሰ መሄዱን ተከትሎ የተቀሰቀሰው ኮሌራ የ2ሺህ290 ያህል ሰዎችን ህይወት መቅጠፉም ተገልጿል።

ሰባዊ ቀውሱ በዚሁ ከቀጠለ በ10 ሺዎች የሚቆጠሩ ሰዎች ከመኖሪያ ቀያቸው በሚቀጥሉት ቀናት የሚፈናቀሉ መሆኑን የዓለም አቀፉ ቀይ መስቀል መርጃ አመላክቷል።

 

ምንጭ፦bbc.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram