የዝውውር ጭምጭምታዎች

• ማንችስተር ዩናይትድ ከፍሪድ እና ዳሎቴ ፊርማ በኋላ አሁንም የአማካኝ ተጫዎች ፍለጋ ላይ ገበያ መውጣቱ አይቀርም ያለው ሚል የ23 አመቱ የላዝዮ አማካኝ ሰርጂ ሚልኮቪች ሳቪች ደግሞ በዝውውር ራዳር ውስጥ የገባ ተጫዎች ነው። ተጫዎቹ ግን የወደ ፊት ቆይታየን ከዓለም ዋንጫው ጨዋታ በኋላ እወስናለሁ እንዳለ ተሰምቷል።

• ቶተንሃም ሆትስፐር የአስቶንቪላውን የ22 አመት አማካኝ ጃክ ግሬሊሽን ለማስፈረም እያሰቡ ነው ያለው ደግሞ ስካይ ስፖርት ነው።

• ሪያል ማድሪድ የክርስትያን ሮናልዶን አመታዊ ክፍያ 28.5 ሚሊየን ፓውንድ ለማድረስ ቢነጋገርም የ33 አመቱ 5 ጊዜ የባላንዶር አሸናፌ ግን በዚህ ደስተኛ ባለመሆኑ የበርናባውን መውጫ በሮች እያማተረ እንደሆነ ካንዴና ኮፕ እና ቪያ ሰንደይ ኤክስፕረስ ዘግበዋል።

• የስቶክ ሲቲው የ26 አመት ስውዘርላንዳዊ የክንፍ ተጫዎች ጆርዳን ሻኪሬ በስቶክ ሲቲ መቆየት እንደሚፈልግና ወደሊቨርፑልም መሂድ እንደማይፈልግ ተናግሯል።

• አርሰናል የ22 አመቱ የሳምፕዶርያ ኡራጋዊ ተከላካይ ሉካስ ቶሬሬን ለማስፈረም ዝግጁ መሆናቸው ካልሲ መርካቶ ሳምፕዶርያን ጠቅሶ ቢቢሲ ዘግቧታል።

• ማንችስተር ሲቲዎች የጣልያኑን 26 አመት የናፖሊ አማካኝ ጆርጂንሆ ላይ የተለጠፈው 60 ሚሊየን ፓውንድ ተቀባይነት የማያገኝ ከሆነ ፊታቸውን ወደ ኒሱ አይቪሪኮስታዊ አማካኝ ጂን ሚኪኤል ሲሪ እንደሚያዞሩ ሚረር ዘግቧል ።

• ዳይናሞ ኪቭ የብራዚላዊውን አማካኝ ቴቼን ከፓልማራስ በ4.3 ዩሮ ማስፈረሙን አረጋግጧል። (ቢቢሲ)

• ሞናኮ ፈረንሳዊውን የክንፍ ተጫዋች ሳሙኤል ግራንድ ሲሪን ከትሮይስ በ3 ሚሊየን ዩሮ አስፈርሟል። (ቢቢሲ በዝውውር ጭምጭምታ)

• ሊቨርፑል የቦርስያ ዶርትሙንዱን የ26 አመት ጀርመናዊ አማካኝ ማርዮ ጎትዜን ለማስፈረም ፍላጎት ቢኖረውም ወደ ሊቨርፑል መዛወር ያለመፈለጉን ተከትሎ የርገን ክሎፕ ህልማቸው እውን ላይሆን እንደሚችል ዲንዝ ኢንድፒንደንትን ጠቅሶ ቢቢሲ ዘግቧል ።

• አሁንም ሊቨርፑል በ15 ሚሊየን ፓውንድ የ26 አመቱን የእንግሊዝና የበርንሊ ግብ ጠባቂ ኒክ ፓፕን ለማስፈረም አቅዷል ያለው ደግሞ ሰን ስፖርት ነው።
• የሴልቲኩ አለቃ ብሬንዳን ሮጀርስ ሊስተር ሲቲን ዳግም ወደ ተፎካካሪነቱ ለመመለስ የክላውዴዮ ፕዮል ተተኪ ሁነው ኪንግ ፓውር ሊመጡ እንደሚችሉ ዘሰን ዘግቧል።

በግርማ ተጫነ – አብመድ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram