የዕይታ ችግር ከአዕምሮ ጤና ጋር ተያያዥነት አለው- ጥናት

የዕይታ ችግር በአዕምሮ ጤና ላይ ተጽህኖ እንዳለው አንድ ጥናት አመልክቷል።

ተመራማሪዎቹ በዚሁ ጥናታቸው እንዳረጋገጡት ለዕይታ ችግር የተጋለጡ ሰዎች ለምክንያታዊ አስተሳሰብ ችግሮች ይጋለጣሉ ተብሏል።

በአሜሪካ የሚያሚ ዩንቨርሲቲ ተመራማሪዎች ከፈረንጆቹ 1993 እስከ 2001 ዓመተ ምህረት ባሉት ተከታታይ ዓመታት እድሚያቸው ከ62 እስከ 84 ዓመት መካከል በሚገኝ 2 ሺህ 500 ሰዎች ላይ ባደረጉት ጥናት የዕይታ ችግር መከሰት የአዕምሮ ጤና ችግር እንደሚያስከትሉ ገልጸዋል።

የዕይታ ችግር በአዕምሮ ጤና ላይ ተጽዕኖ እንዳለው በማመላከት ይህ ጥናት የመጀመሪያው መሆኑን የጥናቱ ዋና ጸሃፊ የሆኑት ዶ/ር ዲያኔ ዝኸንግ ተናግረዋል።

እድሜ እየገፋ ሲሄድ የእይታና የአዕምሮ ጤና እንደሚከሰቱ የታወቀ ቢሆንም፥ የዓይን ጤናን መጠበቅ ጤናማ አዕምሮ እንዲኖረን የሚያደርግ መሆኑንም ዶ/ር ዲያኔ ዝኸንግ ገልጸዋል።

ይሁን እንጂ በተቃራኒው ጤናማ አዕምሮአዊ ሁኔታ በእይታ ላይ ተጽህኖ የሌለው መሆኑን ነው የጥናቱ ሪፖርት የሚያመለክተው።

 

 

ምንጭ፦ upi.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram