የዓለም ባንክ ምክትል ፕሬዚዳንት በኢትዮጵያ የሚያደርጉትን ጉብኝት ጀመሩ

በዓለም ባንክ የአፍሪካ ጉዳዮች ምክትል ፕሬዚዳንት ማክሃተር ዲዮፕ በኢትዮጵያ የሚያደርጉትን ጉብኝት በዛሬው እለት ጀምረዋል።

በኢትዮጵያ የሁለት ቀናት ጉብኝት የሚያደርጉት ፕሬዚዳንቱ በዛሬው እለት ነው አዲስ አበባ የገቡት።

ጉብኝቱ የዓለም ባንክ ከኢትዮጵያ ጋር ያለውን ትብብር ለማጠናከር ያለመ መሆኑን ባንኩ አስታውቋል፡፡

ምክትል ፕሬዚዳንቱ በቆይታቸው ከኢፌዴሪ ጠቅላይ ሚኒስትር ዶክተር አብይ አህመድ ጋር እንደሚወያዩም ይጠበቃል።

እንዲሁም ከገንዘብና ኢኮኖሚ ትብብር ሚኒስትር ዶክተር አብርሃም ተከስተ ጋር እንደሚወያዩም ተነግሯል።

በተጨማሪም ከዓለም አቀፍ ተቋማት መካከል ከተባበሩት መንግስታት የኢኮኖሚ ኮሚሽንና ከአፍሪካ ህብረት ጋር ቆይታ ይኖራቸዋል ተብሏል።

Share your thoughts on this post