የእንግሊዙ የውጭ ጉዳይ ሚኒስትር ቦሪስ ጆንሰን ስልጣን ለቀቁ

የእንግሊዙ የውጭ ጉዳይ ሚኒስትር ቦሪስ ጆንሰን ስልጣናቸውን ለቀቁ።

የውጭ ጉዳይ ሚኒስትሩ ሃገራቸው የአውሮፓ ህብረትን ለቃ በምትወጣበት ሂደት ላይ ባላቸው ልዩነት ሳቢያ ስልጣን መልቀቃቸው ተሰምቷል።

ቦሪስ ጆንሰን ከሁለት አመት በፊት ጀምሮ ሃገራቸውን በውጭ ጉዳይ ሚኒስትርነት ሲያገለግሉ ቆይተዋል።

ከእርሳቸው ቀደም ብሎ ብሪታኒያ ከአውሮፓ ህብረት ለመውጣት በምታደርገው ጥረት የብሪታኒያ ዋና ተደራዳሪ ዴቪድ ዳቪስ ስልጣን መልቀቃቸው ይታወሳል።

ዋና ተደራዳሪው ጠቅላይ ሚኒስትር ቴሬዛ ሜይ የአውሮፓ ህብረትን ሲለቁ ለንግድ ምቹ በሆነ ሁኔታ መሆን አለበት በሚል ለካቢኔያቸው ያቀረቡትን ዕቅድ መቃወማቸውም ነው የተሰማው።

ይህን ተከትሎም ቴሬዛ ሜይ ሁለት ቁልፍ ሰዎችን ማጣታቸው እየተነገረ ነው።

ይህ መሆኑ ደግሞ ህብረቱን ለመልቀቅ ከአመት ያነሰ ጊዜ ለቀራት ብሪታንያ እና ጠቅላይ ሚኒስትር ቴሬዛ ሜይ ሂደቱ አስቸጋሪ ከባድ እንዳይሆን ተሰግቷል።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram