የኢትዮ ቴሌኮም ዋና ስራ አስፈፃሚ ዶክተር አንዱዓለም አድማሴ ከሀላፊነት ተነሱ

የኢትዮ ቴሌኮም ዋና ስራ አስፈፃሚ የነበሩት ዶክተር አንዱዓለም አድማሴ ከሀላፊነት ተነሱ።

በኩባንያው ስማቸው እንዲጠቀስ ያልፈለጉ የስራ ሀላፊ ዶክተር አንዱዓለም ከሀላፊነት መነሳታቸውን ለፋና ብሮድካስቲንግ ኮርፖሬት አረጋግጠዋል።

በአጠቃላይ በርከት የሚሉ በተለያዩ የስራ ሀላፊነት ላይ የሚገኙ ሰዎች ከተቋሙ ከሀላፊነታቸው መነሳታቸውንም ነው የተረዳነው።

እርሳቸውን በመተካትም ወይዘሮ ፍሬህይዎት ታምራት የኢትዮ ቴሌኮም ዋና ስራ አስፈጻሚ ሆነዋል።

ዶክተር አንዱዓለም ከአምስት ዓመት በላይ ኢትዮ ቴሌኮምን በዋና ስራ አስፈፃሚነት አገልግለዋል።

ከዚያ ቀደም ብሎም ከሁለት ዓመት ለሚበልጥ ጊዜ በኩባንያው ውስጥ የውስጥ ኦዲተር ዋና ሀላፊ በመሆን ሰርተዋል።

በሌላ በኩል ኢንጂነር ሀብታሙ ተገኝ የኢትዮጵያ መንገዶች ባለሥልጣን ዋና ዳይሬክተር በመሆን ተሾመዋል።

ኢንጂነር ሃብታሙ ከሹመቱ በፊት የአዲስ አበባ መንገዶች ባለስልጣን ዋና ሥራ አስኪያጅ በመሆን ሲያገለግሉ ቆይተዋል።

ኢንጂነር ሃብታሙ የፊታችን ሰኞ በይፋ ስራቸውን በባለስልጣን መስሪያ ቤቱ እንደሚጀምሩም ለፋና ብሮድካስቲንግ ኮርፖሬት ገልፀዋል።

የኢትዮጵያ መንገዶች ባለስልጣን የቀድሞ ዋና ዳይሬክተር የነበሩት አቶ ዓርዓያ ግርማይ የትራንስፖርት ሚኒስትር ዲኤታ ሆነው ተሾመዋል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram