የኢትዮጵያ ኤሌክትሪክ አገልግሎት በሁሉም ክልሎችና ከተማ አስተዳደሮች ተዋቀረ

የኢትዮጵያ ኤሌክትሪክ አገልግሎት በሁሉም ክልሎች እና ከተማ አስተዳደሮች መዋቀሩን የሚኒስቴር መስሪያ ቤቱ አስታወቀ፡፡

ይህም ቀደም ሲል በማዕከል ብቻ ይሰጡ የነበሩ አገልግሎቶች በቅርበት ለህብረተሰቡ መስጠት በማሰብ በክልሎች በአዲስ መልኩ መዋቀሩን ነዉ የሳይንስና ቴክኖሎለጅ ሚኒስተር እና የኢትዮጵያ ኤሌክትሪክ አገልግሎት ቦርድ ሰብሳቢ ዶክተር ጌታሁን መኩሪያ የገለጹት።

በአዲስ መልኩ ለተዋቀሩት አገልግሎቶች ምክትል ስራ አስፈፃሚ የተሾመላቸዉ ሲሆን፥ ተጠሪነታቸዉም ለክልል አስተዳደሮች እና ለዋና ስራ አስፈፃሚው ይሆናል ተብሏል።

አገልግሎቱን ለማሻሻልም የተለያዩ ስራዎች እየተሰሩ ሲሆን፥ ቀደም ሲል በኦሮሚያ ሁለት የነበሩት ቅርንጫፎች ወደ ዘጠኝ በአማራ ሁለት የነበሩት ወደ አምስት እና በትግራይ ከአንድ ወደ ሁለት ቅርንጫፎች እንዲያድጉ ተደርጓል።

በተጨማሪም በቀጣዮቹ ሁለት ወራት ውስጥ በ100 ወረዳዎች አዲስ የኤሌክትሪክ አገልግሎት መስጫ ጣቢያዎች እነደሚከፈቱ ዶክተር ጌታሁን መኩሪያ አስታውቀዋል።

 

በተመስገን እንዳለ

Share your thoughts on this post