የአፍሪካ ህብረት ምስረታና የአፍሪካ ቀን ተከበረ

የአፍሪካ ህብረት ምስረታና የአፍሪካ ቀን ዛሬ በአዲስ አበባ ተከበረ።

የአፍሪካ ቀን በአፍሪካ ህብረት ግቢ በተለያዩ ዝግጅቶች ተከብሯል።

በአከባበሩ ላይም የህብረቱ ኮሚሽን ሊቀመንበር ሙሳ ፋቂ ማህመትን ጨምሮ የአባል ሃገራት ተወካዮች፣ ተጋባዥ አለም አቀፍ ድርጅቶችና ከተለያዩ የህብረተሰብ ክፍል የተውጣጡ ተሳታፊዎች ተገኝተዋል።

ቀኑ ሙስናን በመዋጋት ዘላቂ የእድገት ሽግግር ለአፍሪካ ማምጣት በሚል መሪ ቃል ነው የተከበረው።

ቀኑን መዘከር፣ መሪ ቃሉን ማስረጽና አፍሪካዊ ወንድማማችነትን ማጎልበትም የእለቱ ዋና ዋና አጀንዳዎች ነበሩ።

ከዚህ ባሻገርም አፍሪካውያን እርስ በርስ የሚገናኙበትና የተለያዩ ባህሎቻቸውን ያቀረቡበት የአውደ ርዕይም ተካሂዷል።

አፍሪካ ከቅኝ ግዛትና ከአፓርታይድ አገዛዝ የተላቀቀችበት 19 60ዎቹ ለአፍሪካውያን የድል አመታት ነበሩ።

በተለይም በ1963 በዛሬው እለት ደግሞ የቀድሞው የአፍሪካ አንድነት ድርጅት ተመስርቷል።

በተስፋዬ ከበደ – ኤፍ ቢ ሲ

Share your thoughts on this post