የአዲስ አበባ ምክትል ከንቲባ ኢንጂነር ታከለ ኡማ ለከተማዋ አመራሮች የስራ መመርያ ሰጡ

የአዲስ አበባ ከተማ ምክትል ከንቲባ ኢንጂነር ታከለ ኡማ ለከተማዋ አመራሮች የስራ መመርያ ሰጥተዋል።

ምክትል ከንቲባ ኢንጂነር ታከለ ኡማ በምክትል ከንቲባ ማእረግ ከተሾሙት ወይዘሮ ዳግማዊት ሞገስ እና ዶክተር ሰለሞን ኪዳኔ ከከተማዋ የተለያዩ አመራሮች ጋር በዛሬው እለት ተገናኝተው ተወያይተዋል።

በውይይቱ ወቅትም ምክትል ከንቲባ ኢንጂነር ታከለ ኡማ ለአመራሮቹ የስራ መመርያ አስተላልፈዋል።

ምክትል ከንቲባው ባስተላለፉት የስራ መመርያም የትኛውም አይነት የመንግስት ስብሰባ ከስራ ሰአት ውጪ መሆን እንዳለበት አስታውቀዋል።

ምክትል ከንቲባ ኢንጂነር ታከለ ኡማ አክለውም፥ በከተማ አስተዳደሩ በየደረጃው የተቀዛቀዘው አገልግሎ አሰጣጥ በፍጥነት እንዲስተካከል አሳስበዋል።

እንዲሁም የገቢ ስራ መጠናከር መንገድ መሰራት እንዳለበት ምክትል ከንቲባ ኢንጂነር ታከለ ኡማ በማብራሪያቸው ጠቅሰዋል።

ቀጣይ በየደረጃው ከህዝቡ ጋር ሰፋፊ መድረኮችን እንደሚከፍቱ እና የመገናኛ ብዙሃን በስፋት የሚሳተፍበትና የከተማውን ህዝብ ችግር በግልፅ ለመነጋገር እደሚፈልጉ ተናግረዋል።

ኢንጂነር ታከለ ኡማ የአዲስ አበባ ከተማ አስተዳደር ምክትል ከንቲባ በመሆን ሐምሌ 10 2010 ዓ.ም መሾማቸው ይታወሳል።

በእለቱ የአዲስ አበባ ከተማ ምክር ቤት ወይዘሮ ዳግማዊት ሞገስ እና ዶክተር ሰለሞን ኪዳኔን የአዲስ አበባ ከተማ አስተዳደር ምክትል ከንቲባ ማእረግ መሾሙም አይዘነጋም።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram