የአዕምሮ በሽታን መከላከል የሚያስችል ዘረ መል /በራሂ/ ይፋ ሆነ – ጥናት

ጭንቅላት ውስጥ ያልተፈለገ የፕሮቲን ክምችት መፈጠር ለመርሳት በሽታ እና ሌሎች ተያያዥ የአዕምሮ በሽታዎች የሚያጋልጥ ሲሆን፥ ይህን ችገር ለመከላከል የሚያስችል ‘‘አንክርድ 16’’ የተባለ ዘረ መል/በራሂ/ መግኘታቸውን ተመራማሪዎች ገለጹ።

በጥናቱ እንደተገለጸው ‘‘አንክርድ 16’’ የተባለው ዘረ መል /በራሂ/ ያልተፈለጉ የፕሮቲን ውጤቶች ጭንቅላት ውስጥ ከሚፈለገው በላይ እንዳይመረቱና እንዳይከማቹ ያደርጋል ተብሏል።

በአዕምሮ ውስጥ የሚከማቹ ያልተፈለጉ የፕሮቲን ውጤቶች የአዕምሮ ነርቭ ሴሎች የሚፈለገውን መልዕክት ተቀብለው እንዳያስተላልፉ በማድረግ ለመርሳትና ሌሎች የአዕምሮ በሽታዎች ያጋልጣሉ ተብሏል።

‘‘አንክርድ 16’’ የተባለው ዘረ መል /በራሂ/ ይዘት እጥረት በሰውነት ውስጥ ሲከሰት ‘‘ሴረብለም’’ የተባለው የአዕምሮ ክፍል ላይ ያልተፈለገ የፕሮቲን ክምችት እንደሚፈጠር እና የአዕምሮ በሽታዎችን እንደሚያባብስ በጥናቱ ተመላክቷል።

በዚህም የአዕምሮ ነርቮች መረጃዎችን ተቀብለው የማደራጀት እና የማስተካከል አቅም እየተዳከመ እንደሚሄድም ነው የተገለጸው።

በአንፃሩ የዘረመሉ መጠን በሰውነት  ውስጥ እየጨመረ ሲሄድ ደግሞ ችግሩ እየተቃለለ መሄዱን ተመራማሪዎቹ አስረድተዋል።

‘‘አንክርድ 16’’ የተባለው ዘረ መልን ከአይጦች ላይ እንዲወገድ በማድረግ በተሰራ ጥናትም የአልተፈለጉ የፕሮቲን ውጤቶች በጭንቅላታቸው ውስጥ በፍጥነት እየጨመረ መሄዱንና የጭንቅላት ነርቮች መረጃዎችን ተቀብሎ የማስተናገድ ሁኔታ እየተዳከመ መሄዱን ነው ጥናቱ ያመላከተው።

በዚሁ ጉዳይ ላይ ከዛሬ 10 ዓመት በፊት በካሊፎርኒያ ሳንዲያጎ ዩንቨርሲቲ ፕሮፌሰር ሱዛን አከርማን እና ሌሎቹ ተሳዛታፊዎች ጥናት አድርገው የነበረ ሲሆን፥ አሁን ላይ ባደረጉት ተጨማሪ ጥናት ‘‘አንክርድ 16’’ የተባለውን ዘረ መል /በራሂ/ ማግኘታቸውን ነው ዘገባው የሚየስረዳው።

ምንጭ፦ sciencedaily.com

Share your thoughts on this post