የአስቸኳይ ጊዜ አዋጅ አፈፃፀም መርማሪ ቦርድ የ2ኛ ዙር መስክ ምልከታ ግኝት ሪፖርት ይፋ አደረገ

የአስቸኳይ ጊዜ አዋጅ አፈፃፀም መርማሪ ቦርድ በሁለተኛው ዙር የመስክ ምልከታ ግኝቶችን በዛሬው እለት ይፋ አድርጓል።

የመርማሪ ቦርዱ ስብሳቢ አቶ ታደሰ ሆርዶፋ ዛሬ በሰጡት ጋዜጣዊ መግለጫ እንደገለፁት፥ መርማሪ ቦርዱ በሁለተኛ ዙር በአማራ እና በደቡብ ክልሎች የተለያዩ አካባቢዎች ተዘዋውሮ ምልከታ አድረጓል።

በምልከታው በኮማንድ ፖስት ቀጣና አንድ እና ቀጠና አምስት በሚገኙ 31 የማቆያ ጣቢያዎች ተዘዋውሮ ተመልክቷል።

በእነዚህ ማቆያ ጣቢያዎች በእስር ላይ የሚገኙ 147 ተጠርጣሪዎችን በአካል አግኝቶ ማነጋገሩንም አስታውቋል።

ይህን ምልክታውን ከመከላከያ ሚኒስትሩ እና የአስቸኳይ ጊዜ አዋጅ ሴክሪትሪያት አቶ ሞቱማ መቃሳ እና የብሔራዊ ደንህነት የጠቅላይ ሚኒስትሩ አማካሪ አቶ አባ ዱላ ገመዳ ጋር ተወያይቷል።

በኮማንድ ፖስቱ ብዙ ሰዎች አለመታሰራቸው፣ ከተያዙትም በየቀውቱ እየተገመገሙ አብዛኞቹ መለቀቃቸው፣ አካላዊ ጉዳት እና ሞት ሳይከሰት መያዛቸው በጠንካራ ጎን ገልፆታል።

በምርመራ ወቅትም በሙሉ ፍላጎታቸው እና የማስገደድ ሁኔታዎች አለመኖሩ እና በክልል እና በፌዴራል ጉዳያቸው የሚታዩት ተለይተው መላካቸው አድንቋል።

በቂ የምግብ፣ የውሃ እና የህክምና አቅርቦትን ጨምሮ የማቆያ ቦታዎች ምቹ አለመሆን ደግሞ በጉድለት የተመለከታቸው መሆኑ መርማሪ ቦርዱ ገልጿል።

ምርመራቸው አልቆ ለፍርድ ቤት ሳይቀርቡ መቆየታቸውም መስተካከል የሚገባው ጉዳይ መሆኑ በውይይቱ ተነስቷል ነው ያሉት ሰብሳቢው አቶ ታደሰ።

በተደረገው ውይይት በጥንካሬዎቹ እና ጉድለቶቹ ከስምምነት ላይ የተደረሰባቸው በመሆኑ በአጭር ጊዜ ይፈታል ተብሏል።

በበላይ ተስፋዬ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram