የአሳ ዘይት የልብ በሽታን አይከላከልም- ተመራማሪዎች

ከዚህ በፊት የአሳ ዘይት የልብ በሽታን ለመከላከል እንደሚያስችል በተደጋጋሚ የሚነገር ቢሆንም ተመራማሪዎች የአሳ ዘይት ለልብ ጤና ጠቀሜታ እንደሌለው አስታውቀዋል።

ተመራማሪዎቹ 100 ሺህ ሰዎች በተሳተፉበት ጥናት በኦሜጋ 3 የበለፀጉ የአሳ ዘይትና ሌሎች ንጥረ ነገሮች የልብ ሽታን በተወሰነ ደረጃ ብቻ መከላከል ይችላሉ ተብሏል።

ጥናቱ በኦሜጋ 3 ከበለፀጉ ምግቦች የተሻለ ጠቀሜታ ማግኘት የቻሉት ከ1 ሺህ ሰዎች መካከል አንዱ ሰው ብቻ እንደሆነ አመልክቷል።

ሆኖም በአሁን ወቅት የአሳ ዘይትን መመገብ እንደጤናማ የምግብ ስርዓት ይወሰዳል ተብሏል።

ጥናቱ በዋናነት ትኩረት ያደረገው አሳን በመመገብ በሚገኘው ኦሜጋ 3 ላይ ሳይሆን በተጨማሪ ንጥረ ነገሮች ላይ ነው ተብሏል።

ተመራማሪዎች በአዲሱ የጥናት ውጤት እርግጠኛ እንደሆኑና በርካቶች ከሚቀበሉት አስታሳሰብ የተለየ ነው ብለዋል።

በርካታ ሰዎች በማሳተፍ በተሰበሰበ መረጃ በአሜጋ 3 የበለፀጉና ተጨማሪ ንጥረ ነገሮችን የያዙ ምግቦች የልብ በሽታን እንደማይከላከሉ ማረጋገጥ እንዳልቻሉ ተመራማሪዎች አስታውቀዋል።

በጥናቱ ረጅም ጊዜያት በኦሜጋ 3 የበለፀጉ የአሳ ዘይቶችና ሌሎችን ንጥረ ነገሮች መጠቀም የልብ በሽታን ለመከላከልና ለስትሮክ ያለን ተጋላጭነት ለመቀነስ እንደማያስችል ተጠቁሟል።

ተመራማሪዎቹ አሳዎች በያዛቸው ኬሚካሎች ምክንያት ሰዎች በከፍተኛ ሁኔታ ከተመገቧቸው ጉዳት ሊያስከትሉ ይችላሉም ተብሏል።

በከፍተኛ ሁኔታ ተዓማኒነት ያለው ይህ ጥናት በኦሜጋ 3 የበለፀጉና ተጨማሪ ንጥረ ነገሮች ካርዲኦቫስኩላር ጤና ላይ የተለየ ተፅዕኖ እንደሌላቸው ተገልጿል።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram