የአሰልጣኝ ንጉሴ ደስታ ስርዐተ ቀብር ተፈጸመ

የደደቢቱ አሰልጣኝ ንጉሴ ደስታ ስርዓተ ቀብር ተፈጸመ፡፡

ስርዓተ ቀብራቸው የተፈጸመው ዛሬ ጧት ማይጨው በሚገኘው ሚካዔል ቤተክርስትያን ነው፡፡

በስርዓተ ቀብሩ ላይ ቤተሰቦቻቸው ወዳጅ ዘመዶቻቸው እንዲሁም የደደቢት፣የወልዋሎ፣የመቐለ እና የመከላከያ ቡድኖች በተገኙበት መፈጸሙን የደደቢት እግርኳስ ክለብ ስራስኪያጅ ሚካዔል አምደ መስቀል ገልጸዋል፡፡

አሰልጣኝ ንጉሴ ደስታ የአንድ ሴት ልጅ አባት እንደነበሩ ተነግሯል፡፡

አሰልጣኝ ንጉሴ ደስታ ባጋጠማቸው ድንገተኛ ህመም ነበር ሰኞ ሌሊት ላይ ከዚህ ዓለም በሞት የተለዩት።

አሰልጣኝ ንጉሴ እስከ ምሽቱ 5 ገደማ ድረስ ከወዳጆቻቸው ጋር እንደነበሩ እና በመሀል ግን የጨጓራ ህመም እንዳመማቸው ሲናገሩ እንደነበረ ምንጮች ተናግረዋል።

አሰልጣኙ ህመሙን እንዲያስታግስላቸው ማስታገሻ መድሃኒት ከወሰዱ በኋላ ለተጨማሪ ህክምና ወደ ሆስፒታል በማቅናት ላይ እያሉ መንገድ ላይ ህይወታቸው ማለፉ ተነግሯል።

አሰልጣኝ ንጉሴ ደስታ በ2001 ዓ.ም የመከላከያ አሰልጣኝ ነበሩ።

በ2005 ዓ.ም ደግሞ ደደቢትን የሊጉ ባለዋንጫ ማድረግ ችለዋል።

በ2008 ዓ.ም ወልዲያን እየመሩ ቡድኑን ከከፍተኛ ሊግ ወደ ፕሪምየር ሊግ አሳልፈዋል።

አሰልጣኝ ንጉሴ ደስታ ከወልዲያ መልስ በድጋሚ ደደቢት ይዘው ህይወታቸው እስከሚያልፍበት ጊዜ ድረስ በማሰልጠን ላይ ነበሩ።

 

ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram