የአማዞን ኩባንያ ባለቤት ጄፍ ቤዞስ በድጋሜ ቢል ጌትስ በመቅደም የአለማችን ቁጥር 1 ቢሊየነር ሆነዋል

የአማዞን ኩባንያ መስራችና ባለቤት ጄፍ ቤዞስ በ150 ቢሊየን ዶላር የአለም ቀዳሚው ባለሀብት መሆናቿን ብሎምበርግ ይፋ አደረገ።

የጄፍ ቤዞስ ባለፉት 12 ወራት የ60 ቢሊየን ዶላር ጭማሪ በማሳየት ነው የአለማችን ቁጥር 1 ቢሊየነር መሆን ይለዋል።

ቢል ጌትስ በጊዜው 100 ቢሊየን የአሜሪካ ዶላር ሀብት የነበረው ሲሆን፥ በአሁን ወቅት ባለው የገበያ ንረት 149 ቢሊየን ዶላር የሚሆን ነው።

በዚህ ዓመት ጄፍ ቤዞስ ያስመዘገበው ሀብት ቢል ጌተስ በፈረንጆቹ 1999 ካስመዘገበውና ከፍተኛ ከነበረው ሀብት ጋር ሲነፃፀር የአሁኑ ከፍተኛ ነው ተብሏል።

የአለም ባለሀብት የሆነው ጄፍ ቤዞስ በየአመቱ ወደ ጠፈር የሚደረግ የንግድ ጉዞ ለማቋቋም ከአማዞን ኩባንያ 1 ቢሊየን ዶላር የሚገመት ሼር እንደሚሸጥ አስታውቋል።

በአሁን ወቅት ቢል ጌትስ 95 ቢሊየን ዶላር በማስመዝገብ በ2ኛ ደረጃ ላይ መቀመጥ የቻላ ሲሆን፥ ከ1996 ጀምሮ 700 ሚሊየን ዶላር የሚገመት የማይክሮሶፍት ኩባንያ ሀብት በሸርና እንዲሁም 2 ነጥብ 9 ቢሊየን ዶላር ደግሞ በቀጥታ ወጪ አድርጓል።

ቢል ጌትስ ይህን የዶለር እና የቁሳቁስ ድጋፍ ያደረገው ለቢልና ሜሊንዳ ጌስ ፋውንዴሽን እንደሆነ ተጠቁሟል።

ይህ ዜና የተሰማው ተቋሙ ለተመዘገቡ ደንበኞች የተለያዩ ምርቶችና አገልግሎቶችን ታላቅ የዋጋ ቅናሽና ባቀረበበትና በስፔን፣ ጀርመን እና ፖላንድ የሚገኙ ሰራተኞች በስራ ቦታ ላይ ባለ ችግር ተቃውሞ ባቀረቡበት ማግስት ነው ተብሏል።

ጄፍ ቦዝስ በ2017 የአማዞን ኩባንያ የአክዮን ሽያጭ በከፍተኛ ሁኔታ ባደገበት ወቅት ቢል ጌትስን በመቅደም በሀብት የአለም ቁንጮ ሆኖ እንደነበር ይታወሳል።

ሆኖም ከቆይታ በኋላ የአማዞን የአክሲዮን ሽያጭ ዋጋ መቀነሱን ተከትሎ ቀዳሚነቱን ለቢል ጌትስ አስረክቦ ቆይቷል።

ምንጭ፥ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram