የአማራ ክልል የወጣቶች ንቅናቄ ኮንፈረንስ እየተካሄደ ነው

የአማራ ክልል የወጣቶች ንቅናቄ ኮንፈረንስ በባህር ዳር ከተማ እየተካሄደ ነው።

በኮንፈረንሱ ከክልሉ ከሚገኙ ሁሉም ዞኖች የተውጣጡ ወጣቶች “ምክንያታዊ ወጣት ለጫት እና አደንዛዥ እፆች አይጋለጥም” በሚል መሪ መልዕክት ውይይት ጀምረዋል።

በኮንፈረንሱ ላይ የተገኙት የኢፌዴሪ ምክትል ጠቅላይ ሚኒስትር አቶ ደመቀ መኮንን፥ ወጣቱ ከአልባሌ ቦታ ከመዋል ተቆጥቦ የተጀመረውን የለውጥ እንቅስቃሴ ማጠናከር እንደሚገባው ጥሪ አቅርበዋል።

መጭው ጊዜ የይቅርታ እና የወጣቶች መሆኑን ያነሱት አቶ ደመቀ፥ በጋራ በመሆን ጠንካራ ክልል እና ሀገር መገንባት እንደሚገባም ተናግረዋል።

የሀገሪቱን ገናና ታሪክ ለማስቀጠል ወጣቶች ምክንያታዊ ሆነው ህብረተሰቡን ከድህነት ለማላቀቅ ታሪክ ሠሪ መሆን እንዳለባቸውም ነው የተናገሩት።

በክልል ወጣቶችና ስፖርት ቢሮ በተዘጋጀው የንቅናቄ ኮንፈረንስ በክልሉ ከሚገኙ ሁሉም ዞኖች የተውጣጡ ወጣቶች እና ጥሪ የተደረገላቸው ከፍተኛ የክልሉ አመራሮች እየተሳተፉ ይገኛል።

በኮንፈረንሱ ላይ ሠላም እና ምክንያታዊ አስተሳሰብ በሀገራችን እና በክልላችን በሚል ሃሳብ ዙሪያ፥ የባህርዳር ዩኒቨርሲቲ መምህር ዶክተር ቃለወንጌል ጽሁፍ አቅርበው ውይይት እየተደረገበት ይገኛል።

በኮንፈረንሱ ላይ ከየዞኑ ውጤታማ ለሆኑ ወጣቶች የእውቅና ሽልማት እንደሚሰጥ ከአማራ ብዙሃን መገናኛ ድርጅት ያገኘነው መረጃ ያመላክታል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram