የቻይናዋ ዢያን ከተማ መንገድ ላይ ስልክ የሚጠቀሙ ሰዎች የሚገለገሉበት የእግረኛ መንገድ አዘጋጅታለች

የቻይናዋ ዢያን ከተማ መንገድ ላይ ተንቀሳቃሽ ስልካቸውን አብዝተው የሚጠቀሙ መንገደኞች የሚመለከት ጉዳይ ከሰሞኑ አሰምታለች።

የከተማዋ አስተዳደር በበዛ መልኩ ተንቃሳቃሽ ስልካቸውን እየነካኩና ስልካቸው ላይ ብቻ አፍጥጠው አካባቢያቸው ያለውን ሁኔታ እምብዛም ትኩረት የማይሰጡ የከተማዋ ነዋሪዎች ብቻ የሚጠቀሙበት የእግረኛ መንገድ አዘጋጅቷል።

ይህ የሆነው ደግሞ ስልክ ተጠቃሚዎቹ መንገድ ላይ ሆነው አካባቢያቸውን እየቃኙ ከመሄድ ይልቅ ስልካቸው ላይ በጀመሩት ነገር በመመሰጥ መንገዳቸውን ስለማያስተውሉ ሊደርስ የሚችለውን አደጋ ለመቀነስ ነው ተብሏል።

በጡብ የተሰራው መንገድ በየተወሰነ ርቀት ላይ የተንቀሳቃሽ ስልክ ምስል እንዲኖረው ተደርጓል።

ይህ መንገድ በከተማዋ እግረኞች በሚበዙበት ያንታ ሮን በተባለ አካባቢ የተዘጋጀ ሲሆን፥ መንገድ ላይ ስልክ የሚይዙ መንገደኞች ብቻ የሚጠቀሙበት ነው።

ይህን መሰሉ የእግረኛ መንገድ መንገደኞች በተሽከርካሪዎች እንዳይጎዱ ለማድረግ ማገዙም ነው የተነገረው።

ከዚህ ቀደም ስልካቸው ላይ ብቻ ትኩረት አድርገው የሚጓዙ መንገደኞች በተሽከርካሪ አማካኝነት አደጋ ይደርስባቸው እንደነበር ተነግሯል።

አሁን ላይ ግን ይህ አደጋ ቢቀንስም ሰዎች እርስ በርስ መንገድ ላይ በመላተማቸው ሳቢያ መጠነኛ ጉዳቶች መከሰታቸው ግን አልቀረም ተብሏል።

በርካቶችም መንገደኞቹ ለመንገዳቸው ትኩረት ሰጥተው እንዲሄዱ ይጠይቃሉ።

 

 

ምንጭ፦ ኦዲቲ ሴንትራል

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram