የትግራይ ክልል ምክር ቤት አዳዲስ ሹመቶችን በማጽደቅ አስቸኳይ ጉባዔውን አጠናቀቀ

የትግራይ ክልል ምክር ቤት ዛሬ ባካሄደው አስቸኳይ ጉባኤ አዳዲስ ሹመቶችን በመስጠትና አዋጆችን በማጽደቅ አጠናቀቀ።

በዚህም ወይዘሮ ሰብለ ካህሳይ የሲቪል ሰርቪስ ቢሮ ኃላፊ እንዲሁም አቶ ሺሻይ መረሳ የምስራቃዊ ዞን ዋና አስተዳዳሪ በመሆን በምክር ቤቱ ተሹመዋል።

አዳዲስ ሹመት ያገኙት የስራ ኃላፊዎች በምክር ቤቱ ፊት ቃለ መሃላ ፈፅመዋል።

ዛሬ የተሰጡት ሹመቶች ከዚህ ቀደም የሲቪል ሰርቪስ ቢሮ ኃላፊ የነበሩት ወይዘሮ ኬሪያ ኢብራሂም እና የምስራቃዊ ዞን ዋና አስተዳዳሪ የነበሩት ወይዘሮ ያለም ፀጋይ ለሌላ ኃላፊነት ወደ ፌደራል በመሄዳቸው ምክንያት ነው ሹመቱ የተሰጠው።

ምክር ቤቱ በአስቸኳይ ጉባኤው ሁለት ረቂቅ አዋጆችን መርምሮ አጽድቋል።

ምክር ቤቱ የስታትስቲክስ ኤጀንሲ እና የጥናትና ምርምር ፖሊሲ በኢንስቲትዩት ደረጃ ለማቋቋም በወጣው አዋጆች ላይ ነው ተወያይቶ ያጸደቀው።

ኤጀንሲዎቹን ለማቋቋም ያስፈለገው በመንግስት የሚወጡ ፖሊሲዎችና ስትራቴጂዎችን በጥናትና ምርምር ለማስደገፍና የሚካሄዱ የልማት ስራዎችን በትክክለኛ መረጃ አስደግፎ ለማከናወን መሆኑን ተገልጿል።

በዛይድ ተስፋዬ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram