የተቋረጠው የአዲስ አበባ ቀላል ባቡር በተወሰኑ ቻይናውያን ሰራተኞች አገልግሎት እየሰጠ ነው

በሰራተኞች ጥቅማ ጥቅም ጥያቄ ምክንያት ዛሬ አገልግሎቱ ተቋርጦ የነበረውን የአዲስ አበባ ቀላል ባቡር በጥቂት ቻይናውያን ሰራተኞች ብቻ አገልግሎት እየሰጠ መሆኑን የኢትዮጵያ ምድር ባቡር ኮርፖሬሽን አስታወቀ።

የቀላል ባቡር አገልግሎቱ ዛሬ ማለዳ ላይ ሰራተኞቹ የጥቅማ ጥቅም ጥያቄ በማንሳታቸው አገልግሎት አቋርጦ ቆይቷል።

አሁን ላይም የትራንስፖርት አገልግሎቱ እንዳይስተጓጎል በተወሰኑ ቻይናውያን ሰራተኞች አማካኝነት በ6 ባቡር አገልግሎት እየሰጠ መሆኑን ኮርፖሬሽኑ አስታውቋል።

ከቻይናውያን ሰራተኞች ውጭ ግን ኢትዮጵያውያንና ሌሎች ሰራተኞች ያቀረብነው ጥያቄ እስካልተመለሰ ድረስ ወደ ስራ አንገባም ብለዋል።

ሰራተኞቹ አሁን ላይም አያት በሚገኘው ዴፖ ብቻቸውን ምክክር እያደረጉ ይገኛል።

በቀጣይም ከኢትዮጵያ ምድር ባቡር ኮርፖሬሽን ዋና ስራ አስፈጻሚ ዶክተር ኢንጅነር ብርሃኑ በሻህ ጋር ውይይት ያደርጋሉ ተብሎ ይጠበቃል።

በዳዊት መስፍን – ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram