የተሽከርካሪ አደጋን ለመቀነስ በ300 ሚሊየን ዶላር ፕሮጀክት ተቀርጾ እየተሰራ ነው

በኢትዮጵያ እየደረሰ የሚገኘውን አስከፊ የትራፊክ አደጋ መቀነስ የሚያስችል ፕሮጀክት በ300 ሚሊየን የአሜሪካ ዶላር  ቀርፆ ተግባራዊ ለማድረግ እየተንቀሳቀሰ መሆኑን የፌደራል ትራንስፖርት ባለስልጣን አስታወቀ።

የባለስልጣኑ የኮሙኒኬሸን ዳይሬክተር አቶ ይግዛው ዳኛው ፥ ፕሮጀክቱ ከተያዘው ዓመት አጋማሽ ጀምሮ ተግባራዊ እየተደረገ ሲሆን፥ ለፕሮጀክቱ ማስፈጸሚያ የሚውለው ገንዘብ ከዓለም ባንክ በብድር መገኘቱን ተናግረዋል።

በዚህ ፕሮጀክትም በተገኘው ብድር በመጠቀም በሀገር አቀፍ ደረጃ የትራፊክ አደጋን ለመቀነስ የሚያስችል የተሽከርካሪ ምዝገባ በዘመናዊ መንገድ ይካሄዳል ተብሏል።

በተጨማሪም የአሽከርካሪዎች ሀገር አቀፍ የአደጋ ማሳያ ዳታ ቤዝ እና ነባርና አዲሱን የመንጃ ፈቃድ በአንድ ቋት በማስገባት ህገወጥ መንጃ ፈቃድን ለመቆጣጠር ያስችላል።

እንዲሁም ወጥ የሆነ የቅጣት አወሳሰን ሥርአት ለማስፈን የሚያስችል ዳታ ቤዝ በዚህ ፕሮጀክት ወቅትም እንደሚደራጅም ተገልጿል።

በተጨማሪም እግረኛና አሽከርካሪ አጥፊዎች የሚዳኙበት ነባር አዋጅና ደንቦችን የማሻሻል ሥራ እየተሰራ ሲሆን፥ ይህም ተግባራዊ ሲደረግ 85 ከመቶ በአሽከርካሪዎች ስህነ

ባህሪ ምክንያት ይደርስ የነበረውን ጥፋት ለማስቀረት እንደሚያግዝ ጠቁመዋል።

እስካሁንም በክልልና በዞን ከተሞች የሰው ኃይል የማሟላት ሥራ እየተካሄደ መሆኑን ዳይሬክተሩ ተናግረዋል።
ምንጭ፦ ኢዜአ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram