የብሪታንያ ሀኪሞች የማህፀን ንቅለ ተከላ ሊያካሂዱ መሆኑ ተሰማ

የብሪታኒያ የህክምና ባለሙያዎች በያዝነው የፈረንጆቹ 2018 መጨረሻ ላይ ሙሉ የማህፀን ንቅለ ተከላ ህክምና ሊያካሂዶ ዝግጅት እያደረጉ መሆኑ ተነገረ።

የብሪታንያ የማህፀን ንቅለ ተከላ ማእከል ክሊኒካል ሀላፊ የሆኑት ሪቻርድ ስሚዝ፥ የንቅለ ተከላ ህክምናውን በህይወት ያሉ ሰዎች በለገሱት ማህፀን ለማከናወን እንደታቀደ አስታውቀዋል።

እንደ አውሮፓውያኑ አቆጣጠር በ2015 ለ10 ሴቶች የማህፀን ንቅለ ተከላ እንዲከናወን ፍቃድ ተሰጥቶ የነበረ ሲሆን፥ ሆኖም ግን ማህፀኑ የሚወሰደው በህይወት የመቆየት እድላቸው መንምኖ የልብ ምት ብቻ ካላቸው ሰዎች እንዲወሰድ ነበር የተፈቀደው።

አሁን ላይ ግን የሀኪሞች ቡድኑ የማህፀን ንቅለ ተከላውን ሀይወት ካሉ በጎ ፍቃደኛ ለጋሾች በመውሰድ ለማከናወን ዝግጀት እያደረገ መሆኑን አስታውቀዋል።

እንደ ሚስተር ስሚዝ ገለጻ፥ ንቅለ ተከላው በህይወት ባሉ ሰዎች ላይ መካሄዱ አስተማማኝ እንዲሆን እና ለንቅለ ተከላው ያስፈልጋል የተባለውን የ12 ሰዓት ቆይታ ወደ 4 ሰዓት የሚቀንስ ነው።

የብሪታኒያ የህክምና ባለሙያዎች የማህፀን ንቅለ ተከላ ለማድረግ መዘጋጀታቸውን ተከትሎም 750 ሴቶች የህክምናው ተጠቃሚ ለመሆን ፍላጎት ማሳየታቸው ነው የተነገረው።

በብሪታንያ ብቻ ቁጥራቸው እስከ 6 ሺህ የሚደርሱ ሴቶች ያለ ማህፀን ይወለዳሉ የተባለ ሲሆን፥ በርካቶች ደግሞ በካንሰር አማካኝነት ማህፀናቸውን ለማስወገድ ይገደዳሉ።
ሆኖም ከማህፀን ንቅለ ተከላ ጋር ተያይዞ እየወጡ ያሉ መረጃዎች ለበርካቶች ተስፋን የሰነቁ መሆኑ ነው የተነገረው።

የማህፀን ንቅለ ተከላ ታሪክ

እንደ አውሮፓውያኑ አቆጣጠር በ2014 በስዊድን ጉተንበርግ የምትገኝ ሴት በዓለማችን ላይ ለመጀመሪያ ጊዜ ተደረገላት ማህፀን ንቅለ ወንድ ልጅ ወለደች።

የ36 ዓመቷ እናት ወንድ ልጅ ወልዳ እንድትስም ያስቻለውን ማህፀን ደግሞ ደግሞ የ60 ዓመት አዛውንት ጓደኛዋ ነች የለገሰችላት።

እንደ አውሮፓውያኑ አቆጣጠር በ2017 በአሜሪካ ለመጀመሪያ ጊዜ የተካሄደውን የተሳካ የማህፀን ንቅለ ተከላ ተከትሎም አንዲት እናት መውለድ ችላለች።

በአጠቃላይ በዓለም ዙሪያ እስካሁን ለ42 ሴቶች የማህፀን ንቅለ ተከላ ተካሂዷል፤ በዚህም 11 ህፃናት የተወለዱ ሲሆን፥ ከዚህም ስምንቱ ስዊድን ውስጥ ነው የተወለዱት።

ምንጭ፦ www.bbc.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram