የቡድን 7 አባል ሃገራት ለሴቶች ትምህርት 3 ቢሊዮን ዶላር ለመለገስ ቃል ገቡ

ካናዳ ከሌሎች የቡድን 7 አባል ሃገራት ጋር በመተባበር በዓለም በከፋ ድህነት ውስጥ ለሚገኙ ልጃገረዶችና ሴቶች ትምህርት የሚውል የ2.9 ቢሊዮን ዶላር እርዳታ ለመስጠት ማቀዷን ይፋ አደረገች፡፡

ገንዘቡም በዓለም ዙሪያ እኩል የትምህርት ተደራሽነት እና የመማር እድልን ለማስፋት እንደሚውል ነው ከካናዳ መንግስት የተሰጠው መግለጫ ያመለከተው፡፡

ጀርመን፤ ጃፓን፤ አንግሊዝ፤ የአውሮፓ ህብረትና የዓለም ባንክ የተፈለገውን የገንዘብ እርዳታ ለመስጠት ቃል መግባታቸው ተነግሯል፡፡

እንግሊዝ 250 ሚሊዮን ዶላር፤ የዓለም ባንክ ከ2 ቢሊዮን ዶላር በላይ እንዲሁም ካናዳ ከ310 ሚሊዮን ዶላር በላይ ለመለገስ ከአሁኑ ቃል ገብተዋል፡፡

በካናዳ ኪውቤክ በተካሄደው የቡድን 7 አባል ሃገራት ስብሰባ ላይ እንደተገለጸው በግጭትና ሰላም ባለትረጋጋበት አካባቢ ለሚኖሩ ሴቶችና ልጃገረዶች ትምህርት ይህ ፕሮጀክት ይፋ ሲደረግ በዓይነቱ ብቸኛና ከፍተኛ ገንዘብ የተመደበለት ነው ተብሏል፡፡

በተባበሩት መንግስታት መረጃ መሰረት በዓለም አቀፍ ደረጃ ግጭት በበዛባቸው 35 ሃገራት ውስጥ 75 ሚሊዮን ህፃናት ትምህርታቸው ማቋረጥ ግድ የሆነባቸው ሲሆን ከእነዚህ ውስጥ አብዛኛዎቹ ደግሞ ልጃገረዶች ናቸው፡፡

ምንጭ፡ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram