የስፔን ፖሊሶች ሜዲትራኒያ ባህር ላይ ከ500 በላይ ሰዎችን መታደጋቸውን አስታወቁ

ወደ አውሮፓ በማቅናት ላይ የነበሩ ከ500 በላይ ሰዎችን ሜዲትራኒያ ባህር ላይ መታደጋቸውን የስፔን ፖሊሶች አስታወቀ፡፡

የስፔን ባህር ኃይል ከስምንት ትንንሽ ጀልባዎች ላይ 243 ሰዎችን መታደጋቸውን ገልጸው፥ ከአንድ ቀን በኃላ በድጋሚ ከዘጠኝ የተለያዩ ጀልባዎች 293 ሰዎችን ማግኘታቸውን ገልጸዋል፡፡

በነፍስ አድን ስራው ላይ አውሮፕላንና ሄሊኮፕተር መሰማራታቸውን የስፔን ባለስልጣናት ተናግረዋል፡፡

ስደተኞቹ ከተለያዩ ሀገራት የሄዱ ሲሆን፥ አብዛኞቹ ከሰሜን አፍሪካና ከሰሃራ ሀገራት በታች መሆናቸውን አስታውቀዋል፡፡

ከ2018 ጀምሮ ወደ ስፔን ለመግባት የሞከሩ 6ሺህ 872 ስደተኞችን የነፍስ አድን ጥረት የተደረገ ሲሆን፥ ዓለም አቀፉ የስደተኞች ተቋም የ218 ሰዎች ህይወት ማለፉንም በመረጃው አስፍሯል፡፡

ስፔን ኢጣሊያንና ግሪክን በመከተል ወደ አውሮፓ ለማቅናት በሚደረጉ የባህር ላይ ጉዞዎች የስደተኞች ሦስተኛዋ መዳረሻ ሀገር መሆኗን መረጃዎች ያመለክታሉ፡፡

 

ምንጭ፦አልጀዚራ
በአብርሃም ፈቀደ ወደ አማርኛ ተመለሰ

Share your thoughts on this post