የስደተኞች ጉዳይ በቀጣዩ የስዊድን ምርጫ ትልቅ ትኩረት እንደሚሰጠው ተገለጸ

ስዊድን የፊታችን መስከረም ወር ምርጫ ለማካሄ የተዘጋጀች ሲሆን፥ የሃገሪቱ የፖሊተካ ፓርቲዎችን በስደተኞች ጉዳይ ላይ የሚኖራቸው አቋም የምረጡኝ ዘመቻ ቅስሳውን የሚወስን ቁልፍ ጉዳይ ይሆናል ተብሏል።

የሀገሪቱ ግራ ዘመም ፓርቲ ቃለ አቀባይ የሆኑት ሊንዳ ስነከር በስደተኞች የፖሊሲ ጉዳይ ላይ የፓለቲካ ፓርቲዎች የሚኖኖራቸው አቋም የምርጫውን ውጤት ሊቀይር እንደሚችልም ነው የገለጹት።

በሀገሪቱ በፈረንጆቹ 2017 ብቻ 27 ሺህ ዜጎች ጥገኝነት የጠየቁ ሲሆን፥ የሀገሪቱ የኢሚግሬሽን ሚኒስትር ሄለን ፍሪት ዞን ሀገሪቱ ከ14 -15 ሺህ ያህል ስደተኞችን ብቻ መቀበል እንዳለባት መግለፃቸውን ነው በዘገባው የተገለጸው።

ከፈረንጆቹ 2015 ጀመሮ እስካሁን ድረስ 160ሺ ያህል ስደተኞች ለሲዊድን የጥገኝነት ጥያቄቸውን ማቅረባቸውን የሀገሪቱ መንግስት መረጃ አመላክቷል።

በዚህም የስዊድን ዴሞክራቲክ ፓርቲ የስደተኞች የጥግኝነት ጥያቄ በማስተናገድ ላይ ገደብ መጣል ዓለበት የሚል ሃሳብ እያቀነቀኑ እነደሆነ ነው በዘገባው የተገለጸው።

አሁን ላይ በሃገሪቱ ስልጣን ላይ ያለው መንግስት የሶሻል እና ግሪን ፓርቲዎች ጥምርት ሲሆን ፥ በስደተኞች ፓሊሲ ጉዳይ ላይ ከሌሎቹ የአውሮፓ ሀገራት የተለየ አቋም ሊኖረው እንደማይችልም ነው እየተገለጸ ያለው።

የሀገሪቱ የፖለቲካ ፓርቲዎች በስደተኞች ጉዳይ ላይ ተመሳሳይ አቋም ይኖራቸዋል ተብሎ የሚጠበቅ እነደሆም ነው በዘገባው የተገለጸው።

 

ምንጭ፦ aljazeera.com

 

የተተረጎመውና የተጫነው፦ በእንቻለው ታደሰ

Share your thoughts on this post